O‘zbekiston Respublikasi Qurolli Kuchlari tashkil topganligining 33 yilligi munosib nishonlandi

         2025-yil 14-yanvar kuni Samarqand davlat veterinariya meditsinasi, chorvachilik va biotexnologiyalar universitetining Nukus filialida O‘zbekiston Respublikasi Qurolli Kuchlari tashkil topganligining 33 yilligi va 14-yanvar – “Vatan himoyachilari kuni” munosabati bilan tadbir o‘tkazildi. Tadbir davomida sport musobaqalari ham tashkil etildi. «Mard yigitlar vatan tayanchi» mavzusida turli sport turlari bo‘yicha musobaqalar o‘tkazildi. Ularda talabalar turnikka tortilish, tosh ko‘tarish, arqon tortish va armrestling kabi sport turlarida kuchlarini sinab ko‘rishdi. Musobaqalar nihoyasida eng kuchli va mahoratli ishtirokchilar aniqlandi va ular rag‘batlantirildi. Taqdirlash marosimida g‘oliblarga esdalik sovg‘alari va diplomlar topshirildi.
         Shu tarzda o‘tkazilgan tadbir nafaqat yoshlarni jismoniy tayyorgarlikda yaxshilashga, balki ularni vatanparvarlik ruhida tarbiyalashga qaratilgan edi. Uchrashuvda ishtirok etganlar o‘zlarining yurtga bo‘lgan muhabbatlarini, Vatan himoyasidagi mas'uliyatni yanada chuqurroq angladilar. Tadbirning o‘tkazilishi, ayniqsa, yosh avlodni yurtni sevish va unga xizmat qilish yo‘lida o‘z maqsadlariga erishishlariga turtki bo‘lishiga xizmat qiladi.