Samarqand davlat veterinariya meditsinasi, chorvachilik va biotexnologiyalar universiteti Nukus filiali Karrupsiyaga qarshi kurashish "Komplayens-nazorat" tizimini boshqarish bo'lim bo'sh mutaxasisi Smaylov To'rexan Duysenbay og'li
		+9989(91)002-67-89 eanticor.vetnukus.filial1@gmail.com

Коррупцияга қарши курашиш «Комплаенс-назорат» тизимини бошқаришбўлиминингвазифалари ва функциялари

Қуйидагилар бўлимнинг асосий вазифалари ҳисобланади:

• Филиалда коррупцияга оид ҳуқуқбузарликларни профилактика қилишва уларга қарши курашиш;
• Олий таълим тизимида «Коррупциясиз соҳа» лойиҳасини Филиал миқёсида амалга оширишга қаратилган чора-тадбирлар ижросини таъминлаш;
• Филиалда коррупцияга қарши курашиш «Комплаенс-назорат» тизимини жорий этиш ва уни амалга ошириш;  
• Филиал ходимлари ўртасида манфаатлар тўқнашуви мониторингини юритади ва тегишли таклифлар киритади;
• Филиалнинг профессор-ўқитувчилари, бошқарув, техник, хизмат кўрсатувчи, ўқув-ёрдамчи ходимлари ўртасида мунтазам равишда профилактик суҳбатлар ташкил этиб боради;
• Филиал фаолиятида коррупциявий ҳолатларни аниқлаш мақсадида профессор-ўқитувчилар, бошқарув, техник, хизмат кўрсатувчи, ўқув-ёрдамчи ходимлар,талабалар (магистрантлар, докторантлар, мустақил изланувчилар) ва аҳоли ўртасида сўровлар ўтказади;
• Сўровлар, ижтимоий ва бошқа тадқиқотлар асосида коррупцияга қарши курашиш тарғиботи бўйича чора-тадбирлар натижалари ва таъсирини мунтазам равишда баҳолаб боради ҳамда кейинги чора-тадбирларни белгилашда баҳолаш натижаларидан фойдаланади;
• Филиалга ишга қабул қилиш, ходимларни аттестациядан ўтказиш, талаба (магистрант, доктарант, мустақил изланувчи)ларнинг имтиҳонларни (якуний,оралиқ,малакавий, якуний давлат аттестацияси, диплом ҳимояси) жараёнларини бевосита кузатиб боради ҳамда коррупциявий хавф-хатарларни аниқлайди;
• Филиалнинг профессор-ўқитувчилари, бошқарув, техник, хизмат кўрсатувчи ва ўқув-ёрдамчи ходимларидан уларнинг ваколатига кирувчи масалалар юзасидан таҳлилий материаллар, хулосалар, бирламчи ва бошқа тасдиқловчи ҳужжатларни, статистик ва бошқа маълумотларни сўраш ва талаб қилишҳамда олиш;
• Филиал Кенгаши мажлиси йиғилишларида иштирок этиш;
• Филиал директорига комплаенс назорат ва коррупцияга қарши курашиш масалалрига оид таклифлар киритиш;
• Ўз фаолияти доирасида Филиалнинг таркибий бўлинмаларига кўрсатмалар ва тавсиялар бериш;
• Филиалнинг Кенгаш қарорлари, директор буйруқлари ва тендер ҳужжатлари бўлим билан мажбурий тартибда назорат килинади;
• Коррупция бўлими ўз фаолиятида соҳага доир қонун ҳужжатлари, вазирлик ва тегишли идоралар буйруқлари, Хайат қарорлари, Филиал Кенгаши қарорлари, буйруқлари, мазкур Низом ва бўлимнинг иш режаси асосида амалга оширилади;
• Ваколати доирасида текширувлар ўтказиш, ҳужжатларни талаб қилиш, Филиалнинг профессор-ўқитувчилари, бошқарув, техник, хизмат кўрсатувчи ва ўқув ёрдамчи ходимлари, талабалар (магистрантлар, докторантлар, мустақил изланувчилар)дан ёзма тушунтиришлар олиш, жиноят аломатлари аниқланган ҳолларда тегишли ҳуқуқни мухофаза қилувчи органларга хабар бериш;
• Филиалда коррупцияга қарши курашишга оид қонунлар, қонуности ҳужжатларига риоя этилиши устидан назорат олиб боради;
• Илғор хорижий тажрибаларни ўрганиш асосида коррупцияга қарши курашиш бўйича таҳлилий материаллар тайёрлайди;
• Коррупцияга оид ҳуқуқбузарликларнинг олдини олишга қаратилган чора тадбирлар ва иш режаларини ишлаб чиқади, уларнинг тўлиқ, сифатли ва ўз вақтида ижро этилишини таъминлайди;
• Профессор-ўқитувчилар. Талаба-ёшлар ўртасида коррупцияга қарши курашишга қаратилган конференциялар, учрашувлар, семинарлар ва танловлар ташкил этади;
• Филиалда коррупцияга қарши курашиш соҳасида қабул қилинаётган чора-тадбирларнинг самарадорлигини баҳолайди;
• Филиалда коррупцияга оид ҳуқуқбузарликлар содир этилишининг шарт-шароитлари ва сабабларини ўрганади, шунингдек, уларни бартараф этиш бўйича таклифларни ишлаб чиқади;
• Филиалнинг расмий веб-сайтида «Коррупцияга қарши курашиш» бўлимидаги маълумотларни мунтазам равишда янгилаб боришини таъминлайди;
• Ҳар чоракда ва заруратга кўра коррупцияга қарши курашиш бўйича амалга оширилган ишлар ҳамда Филиалдаги коррупциявий вазият ҳақида директорга, олий таълим вазирлигига ҳамда коррупция агентлигининг «Комплаенс-назорат» ва « Коррупцияга қарши курашиш» бўлимига ҳисобот беради;
• Олий таълим вазирлигининг Комплаенс-назорат ва коррупцияга қарши курашиш бўлими ҳамда коррупцияга қарши курашиш бўйича фаолиятини амалга оширувчи бошқа давлат органлари ва ташкилотлари, ота-оналар билан коррупцияга қарши курашиш соҳасида самарали ҳамкорликни йўлга қўяди;
• Филиалда коррупцияга қарши амалга оширилган ишлар мониторингини юритади, таҳлилий материалларни раҳбариятга, вазирликка ҳамда агентликка киритиб боради.
• 
  

• 210-modda. Pora olish

  Pora olish, ya’ni davlat organi, davlat ishtirokidagi tashkilot yoki fuqarolarning o‘zini o‘zi boshqarish organi mansabdor shaxsining o‘z xizmat mavqeyidan foydalangan holda sodir etishi lozim yoki mumkin bo‘lgan muayyan harakatni pora berayotgan shaxsning manfaatlarini ko‘zlab bajarishi yoki bajarmasligi evaziga shaxsan o‘zi yoki vositachi orqali qonunga xilof ekanligini bila turib, moddiy qimmatliklar olishi yoxud mulkiy manfaatdor bo‘lishi, —

  bazaviy hisoblash miqdorining ellik baravaridan yuz baravarigacha miqdorda jarima yoki muayyan huquqdan mahrum etilgan holda ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

  Pora olish:

  a) takroran, xavfli retsidivist yoki ilgari ushbu Kodeksning 211 yoki 212-moddalarida nazarda tutilgan jinoyatlarni sodir etgan shaxs tomonidan;

  b) ko‘p miqdorda;

  v) tamagirlik yo‘li bilan;

  g) bir guruh mansabdor shaxslar tomonidan oldindan til biriktirib sodir etilgan bo‘lsa, —

  besh yildan o‘n yilgacha ozodlikdan mahrum qilish bilan jazolanadi.

  Pora olish:

  a) juda ko‘p miqdorda;

  b) uyushgan guruh manfaatlarini ko‘zlab sodir etilgan bo‘lsa, —

  o‘n yildan o‘n besh yilgacha ozodlikdan mahrum qilish bilan jazolanadi.

  211-modda. Pora berish

  Pora berish, ya’ni davlat organi, davlat ishtirokidagi tashkilot yoki fuqarolarning o‘zini o‘zi boshqarish organi mansabdor shaxsiga mazkur mansabdor shaxsning o‘z xizmat mavqeyidan foydalangan holda sodir etishi lozim yoki mumkin bo‘lgan muayyan harakatni pora bergan shaxsning manfaatlarini ko‘zlab bajarishi yoki bajarmasligi evaziga qonunga xilof ekanligini bila turib bevosita yoki vositachi orqali moddiy qimmatliklar berish yoki uni mulkiy manfaatdor etish, —

  bazaviy hisoblash miqdorining ellik baravaridan yuz baravarigacha miqdorda jarima yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

  Pora berish:

  a) takroran, xavfli retsidivist yoki ilgari ushbu Kodeksning 210 yoki 212-moddalarida nazarda tutilgan jinoyatlarni sodir etgan shaxs tomonidan;

  b) ko‘p miqdorda sodir etilgan bo‘lsa, —

  besh yildan o‘n yilgacha ozodlikdan mahrum qilish bilan jazolanadi.

  Pora berish:

  a) juda ko‘p miqdorda;

  b) uyushgan guruh manfaatlarini ko‘zlab sodir etilgan bo‘lsa, —

  o‘n yildan o‘n besh yilgacha ozodlikdan mahrum qilish bilan jazolanadi.

  Basharti, shaxsga nisbatan pora so‘rab tovlamachilik qilingan bo‘lsa va ushbu shaxs jinoiy harakatlar sodir etilganidan keyin bu haqda o‘ttiz sutka mobaynida o‘z ixtiyori bilan arz qilsa, chin ko‘ngildan pushaymon bo‘lib, jinoyatni ochishda faol yordam bergan bo‘lsa, u javobgarlikdan ozod etiladi.

  212-modda. Pora olish-berishda vositachilik qilish

  Pora olish-berishda vositachilik qilish, ya’ni pora olish yoki berish xususidagi kelishuvga erishishga qaratilgan faoliyat, shuningdek manfaatdor shaxslarning topshirig‘i bilan porani bevosita berish, —

  bazaviy hisoblash miqdorining ellik baravaridan yuz baravarigacha miqdorda jarima yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

  O‘sha harakat:

  a) takroran, xavfli retsidivist yoki ilgari ushbu Kodeksning 210 yoki 211-moddalarida nazarda tutilgan jinoyatlarni sodir etgan shaxs tomonidan;

  b) ko‘p miqdorda pora olish yoki berish vaqtida;

  v) bir guruh mansabdor shaxslar tomonidan oldindan til biriktirib pora olayotganligi vositachiga ayon bo‘lgan holda sodir etilgan bo‘lsa, —

  besh yildan o‘n yilgacha ozodlikdan mahrum qilish bilan jazolanadi.

  Pora olish-berishda vositachilik qilish:

  a) haq evaziga;

  b) juda ko‘p miqdorda pora olish yoki berish vaqtida;

  v) uyushgan guruh manfaatlarini ko‘zlab sodir etilgan bo‘lsa, —

  o‘n yildan o‘n besh yilgacha ozodlikdan mahrum qilish bilan jazolanadi.

  Basharti, pora olish-berishda vositachilik qilgan shaxs jinoiy harakatlarni sodir etganidan keyin bu haqda o‘ttiz sutka mobaynida o‘z ixtiyori bilan arz qilsa, chin ko‘ngildan pushaymon bo‘lib, jinoyatni ochishda faol yordam bergan bo‘lsa, javobgarlikdan ozod qilinadi.