Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиалга Германиядан мутахассислар ташриф буюрди
Самарқанд ветеринария медицинаси институти Нукус филиалига Германиянинг Cofad Consultants компаниясининг мутахассислари ташриф буюриб, филиал директори Адилбай Есимбетов қабулида бўлишди.
Жумладан, Cofad Consultants раҳбари Лео Годард, маслаҳатчиси Андрес Войнарович Германия халқаро ҳамкорлик жамияти (GIZ) нинг Қорақалпоғистондаги координатори А.Қурбанбаев ҳамроҳлигида келгусида ҳамкорликда иш олиб бориш таклифи билан филиалда бўлиб, филиал раҳбарияти билан шу масала бўйича музокаралар олиб борди. Ташриф буюрган меҳмонлар биринчи навбатда филиалда Зооинженерия (балиқчилик) йўналишида таҳсил олаётган талабаларнинг бугунги кундаги таълим жараёни ҳамда балиқчиликнинг айнан қайси йўналишлари бўйича билим олаётганлиги билан қизиқсинди. Келгусида филиал талабаларининг мазкур йўналиш бўйича билимларини янада орттириш мақсадида, Германиядан мутахассисларни жалб этган ҳолда уларга таълим беришни йўлга қўйишни таклиф сифатида билдиришди. А.Есимбетов меҳмонларга балиқчилик йўналишида таҳсил олаётган талабаларга етук мутахассислар томонидан дарс берилаётганлиги, шунингдек уларнинг амалий билимларини мустаҳкамлаш мақсадида балиқчиликка ихтисослаштирилган корхоналарда амалий дарслар ташкиллаштириб келаётганлиги ҳақида батафсил маълумот бериб ўтди. Меҳмонларнинг ташрифдан асосий мақсади филиалдаги таълим жараёни билан яқиндан танишиш ва келгусида қайси йўналиш бўйича ҳамкорликни йўлга қўйиш бўйича музокаралар олиб боришдан иборат бўлганлиги боис, айнан шу масалалар юзасидан суҳбат олиб борилди. Томонлар ҳамкорликда иш олиб боришни қўллаб-қувватлаган ҳолда тегишли масалаларни келишиб олишди. Шундан сўнг Лео Годард Зооинженерия (балиқчилик) йўналишида таҳсил олаётган талабалар билан мулоқатда бўлиш истагини билдирди ва дарс жараёнида бевосита иштирок этиб, улар билан қисқача суҳбат ўтказди. Ташриф якунида эса меҳмонлар филиал худудидаги балиқлар парвариш қилиниб келаётган сунъий ҳовуз билан таништирилди. Фикр алмашиш тарзида бўлиб ўтган суҳбат давомида муҳим таклифларни амалга ошириш асосида ҳамкорликни йўлга қўйиш келишиб олинди.
Филиал матбуот хизмати 
