Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиал ўқитувчиларига эҳтиром
Шундай касблар борки, бу касб эгаларига ҳар қанча эҳтиром ва эъзоз кўрсатсангиз муносиб. Айниқса ўқитувчилар бу борада ҳурматга лойиқ инсонлардир. Яқиндагина республикамиз бўйлаб 1 октябрь – Ўқитувчи ва мураббийлар куни кенг нишонланди. Мана шундай ажойиб байрам муносабати билан Ўзбекистон Республикаси ветеринария ва чорвачиликни ривожлантириш давлат қўмитаси раиси Бахромжон Норқобилов Самарқанд ветеринария медицинаси институти Нукус филиалининг бир қатор профессор-ўқитувчиларини ветеринария ва чорвачилик соҳасида ўзларининг юқори илмий-педагогик тажрибалари билан бўлажак мутахассисларни тайёрлашдаги хизматлари, шунингдек, мазкур соҳада инновацион технологияларни жорий қилишдаги самарали меҳнатлари ҳамда ўз касбида фаол фаолият юритаётганлигини муносиб баҳолаш мақсадида “Фахрий ёрлиқ” билан тақдирлади. Жумладан, филиал директори Есимбетов Адилбай Тлепович, Базарбаева Дина Иркиновна, Торешова Амина Уббиниязовна, Халмуратова Жумагул Мафуровналар "Фахрий ёрлиқ”лар билан муносиб тақдирланди. Қорақалпоғистон Республикаси Ветеринария ва чорвачиликни ривожлантириш қўмитаси раиси Қыяс Пирназаров байрам билан самимий муборакбод этган ҳолда "Фахрий ёрлиқ”ларни ўз эгаларига топширди. Албатта, ўз ўрнида филиал директори Адилбай Есимбетов қўмита раиси Норқобилов Бахромжон Тўраевичга ўзининг ва филиал профессор-ўқитувчиларининг номидан кўрсатилган бундай эътибор учун чуқур миннатдорчилигини изҳор этди. Филиал ходимлари бўлган азиз ўқитувчиларимизнинг меҳнатлари мана шундай тарзда баҳоланганлиги бизни ҳам севинтирди.
Филиал матбуот хизмати
