SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Jaslar forumı sheńberinde filialda media-tur: Studentlerge jaratılǵan sharayatlar kórsetildi

Respublikalıq jaslar forumı sheńberinde student-jaslar ushın jaratılǵan sharayatlar, zamanagóy oqıw laboratoriyaları, vivariyler, sport obektleri hám bilimlendiriw processleri menen tanıstırıw maqsetinde keń kólemli media-tur shólkemlestirildi. Ilaj dawamında Ózbekstan Respublikası Veterinariya hám sharwashılıqtı rawajlandırıw mámleketlik komitetiniń basshıları, Qaraqalpaqstan Respublikası Ministrler Keńesi Baslıǵınıń jaslar siyasatı, sociallıq rawajlandırıw hám ruwxıy-aǵartıwshılıq isleri boyınsha orınbasarı B.Ótemuratov hám ǵalaba xabar qurallarınıń wákilleri qatnastı.
Media-tur sheńberinde miymanlar filialdıń zamanagóy materiallıq-texnikalıq bazası, innovaciyalıq oqıw laboratoriyaları, ámeliy sabaqlar ushın mólsherlengen vivariylardıń jumısı, studentlerdiń teoriyalıq hám ámeliy bilimlerin bekkemlewge qaratılǵan oqıw processleri menen jaqınnan tanıstı. Sonday-aq, sport zalı hám basqa da infrastruktura obektleri de miymanlar itibarına usınıldı.
Ilaj qatnasıwshıları jaratılǵan sharayatlardı joqarı bahalap, bilimlendiriw mákemesinde jaslar ushın keń imkaniyatlar jaratıp berilgenin ayrıqsha atap ótti. Ásirese, zamanagóy laboratoriyalar hám vivariyler arqalı studentler óz tarawları boyınsha tereń bilim hám kónlikpelerge iye bolıp atırǵanı forum sheńberindegi áhmiyetli temalardan biri boldı.
Bul media-tur tek ǵana jaslar ushın jaratılǵan sharayatlar menen tanısıw emes, al olardı úgit-násiyatlaw, ǵalaba en jaydırıw hám basqa da bilimlendiriw mákemeleri ushın úlgi sıpatında usınıw imkaniyatın berdi. Bunday baslamalar jaslardıń potencialın júzege shıǵarıw, olardıń ilimiy hám sociallıq belsendiligin arttırıwda ayrıqsha áhmiyetke iye.