SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“Stop korrupciya» chellendji ótkerilmekte

Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında “komplayens baqlaw” sistemasın basqarıw bólimi tárepinen “Stop korrupciya» chellendji ótkerildi. Student-jaslar arasında usı sıyaqlı chellendjlerdi ótkeriw arqalı olardıń huqıqıy sawatlılıq dárejesin jáne de arttırıw, mámleketimizde korrupciyaǵa qarsı gúresiw baǵdarında ámelge asırılıp kiyatırǵan keń kólemli jumıslardıń mazmunı hám áhmiyetin olardıń sanasına tereń sińdiriw hámde bolajaq jas qánigelerdi ádalatlı sistema tiykarında óz wazıypasına sadıq bolıwǵa úyretiw sıyaqlı iygilikli maqsetler jatadı.

“Stop korrupciya» chellendjine filialdaǵı professor-oqıtıwshılar, xızmetkerler hámde student-jaslar belsene qatnaspaqta. Eger hár bir insan óz xızmet wazıypasın ámelge asırıwda ashıqlıq, áshkaralıq, aydınlıq, erkinlik hám ádalat sıyaqlı principlarǵa súyense, biz álbette jaqın keleshekte korrupciyadan awlaq tarawǵa erisemiz.

Studentlerdiń sanasına hadallıq hám iygilikli túsiniklerdi sińdirip barılsa, olar korrupciyaǵa qarsı gúresiwde belsene boladı hám hár dayım ádalat tárepinde boladı. Usı sıyaqlı ilájlarda belsene qatnasıw arqalı olar taraw boyınsha huqıqıy bilim hám túsiniklerge iye boladı. Filial student-jasları arasında usı chellendj dawam etedi.