«Jas sharwa» dógeregi aǵzaları jipekshilik kórgizbesin shólkemlestirdi

Student-jaslardıń bilim hám kónlikpelerin jáne de bekkemlep barıwda dógerekler xızmeti ayrıqsha áhmiyetke iye. “Zooinjeneriya” kafedrasında «Jas sharwa» dógeregi turaqlı túrde hám qızıqlı tárizde alıp barılmaqta. Atap aytqanda usı jıldıń  28 fevral kúni dógerek aǵzaları qatnasıwında «Jipekshiliktiń awıl xojalıǵında áhmiyeti, tariyxı, rawajlanıwı hám búgingi kúndegi jaǵdayı» temasında sabaq shólkemlestirildi. 

Sabaq dawamında studentlerge qalayınsha jipek ónimlerin islep shıǵarıw múmkin ekenligi, jipekshilik tarmaǵın kompleks rawajlandırıw boyınsha ámelge asırılıp atırǵan is-ilájlar hámde taraw boyınsha jetik kadrlardı tayarlaw boyınsha tolıq túsinikler berildi. Studentlerdiń temaǵa bolǵan qızıǵıwshılıǵın bunnan bılayda asırıw maqsetinde jipekshiler tárepinen atlas hám jipek ónimleri kórgizbesi shólkemlestirildi. Dógerek aǵzaları hár tárepleme bilim hám kónlikpelerge iye boldı.