Filial talabalari esdalik sovg‘asi bilan taqdirlandi
28 апр 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Филиал психологы студентлер менен сәўбетлесиў өткерди
Самарқанд ветеринария медицинасы институты Нөкис филиалы студент-жасларына филиал психологы М.Алламуратова тәрепинен «Студент жасларға психолог хызмети ҳаққында түсиник бериў ҳәм сөйлеў мәдениятын раўажландырыў» темасында сәўбетлесиў алып барылды. Ветеринария ҳәм зооинженерия факультетиниң жаслар менен ислесиў бойынша декан орынбасары Е.Сейтмуратов өз кирис сөзинде жоқары оқыў орынларында психолог хызмети шөлкемлестирилиўиниң мақсетине айрықша тоқталып өтти. Буннан соң М.Алламуратова студент-жасларға филиал психологының ўазыйпасы нелерден ибарат екенлиги, студентлердиң руўхый машқалаларын үйренип барыў ҳәм оларды шешиўге көмеклесиў бойынша кең түсиниклерди бериў менен бирге психолог кәсибине улыўма сыпатлама берип өтти. Соның менен бирге қатнасыўшыларға сөйлеў мәденияты бойыншада кең тәризде айтып өтилди. Студентлер тема шеңберинде өзлериниң пикирлерин билдирди. Сондай-ақ студентлерге қандай да бир машқалаларға дус келсе, өзине болған исенимсизлик пайда болса ҳәм буларға шешим табыўға қыйналып атырған болса биймәлел филиал психологына мүрәжат етиўлери мүмкин екенлиги айтып өтилди.
Филиал баспасөз хызмети 
