Jaslar menen islesiw ruwxiyliq hám aǵartiwshılıq bólimi

		Samarqand mámleketlik veterinariya medicinası, sharwashiliq hám    biotexnologiyalar universiteti  Nókis filialınıń Jaslar menen islesiw, ruwxıylıq hám aǵartıwshılıq  bólimi baslıǵı Paluaniyazov Bayram Yesemuratovich
		+998 91 388 20 40  paluaniyazovbajram25@gmail.com

Ulıwma qaǵıydalar

• Filial direktorı buyrıǵı tiykarında dúziledi;
  • Bólimniń isshi toparı filialdıń usı taraw boyınsha jetekshi qánigeleri, professor-oqıtıwshılar hám xızmetkerlerden shólkemlestiriledi;
  • Óz jumısların jolǵa qoyıwda bólim tyutorlar menen birgelikte jumıs alıp baradı;
  • Joqarı hám orta arnawlı bilim ministrligi janındaǵı Ruwxıylıq hám aǵartıwshılıq bóliminiń nızamı tiykarında jumıs alıp baradı; 
  • Usı jıldaǵı hám keleshektegi rejelerine iye boladı.

Bólimniń maqseti:

    Student-jaslardı milliy hám ulıwma insanıy qádiriyatlarǵa sadıqlıq ruwxında tárbiyalaw, olardıń ruwxıy, estetikalıq, ádep-ikramlılıq dúnyaqarasın keńeytiw, olardıń sanasın hár túrli zıyanlı ideyalar tásirinen qorǵaw hám de ǵárezsiz Ózbekstannıń haqıyqıy pidayısı bolıp jetistiriwden ibarat.

Bólimniń wazıypaları:

• Mámleketimizde ámelge asırılıp atırǵan ruwxıy, mádeniy jumıslarǵa baylanıslı ilajlardı ótkeriw;
  • Student-jaslar arasında ádep-ikramlılıq, estetikalıq, siyasiy, huqıkıy, kórkem tárbiyanı qáliplestiriw jumısların jolǵa qoyıw;
  • Milliy úrp-ádetler, qádiriyatlar negizinde alıp barılıp atırǵan ánjumanlar, sáwbetlesiwler, ushırasıwlar shólkemlestiriw:
  • Studentlerdiń ruwxıy hám fizikalıq jaqtan qáliplesiwin joqarılatıw maqsetinde islenetuǵın jumıslardı jetilistiriwge kómeklesiw;
  • Filialda ruwxıy-aǵartıwshılıq tárbiyalıq jumıslardıń jónelislerin belgilew, olarǵa zárúr normativ hújjetler hám usınıslar islep shıǵıw;
  • Respublikalıq ruwxıy-aǵartıwshılıq orayınıń qala, rayonlıq bólimleri hám de mámleketimizde xızmet kórsetip atırǵan fondlar, jámiyetlik shólkemler menen birgelikte ruwxıy-aǵartıwshılıq jumısların jetilistiriwde qatnasıw.

Bólimniń huqıqları:

• Filialdaǵı ruwxıy-aǵartıwshılıq jumısların qadaǵalaw;
  • Ruwxıy-aǵartıwshılıq jumıslarına baylanıslı ministrlik buyrıqları hám kórsetpeleriniń orınlanıwın tekseriw;
  • Professor-oqıtıwshılardıń jıllıq oqıw júklemelerinde «Ruwxıy-aǵartıwshılıq jumıslar» tarawına tiyisli bántiniń tolıq orınlanıwın qadaǵalaydı hám bahalap baradı;

Ruwxıy-aǵartıwshılıq isler boyınsha direktor orınbasarına alıp barılǵan jumıslar boyınsha hár semestr juwmaǵında esabat beredi.

Ózbekistan Respublikası Joqarı bilimlendiriw, ilim hám innovaciyalar ministrliginiń 2025-jıl 17-fevraldaǵı 3/15-52-26-62-sanlı xatınıń orınlanıwın támiynlew boyınsha Samarqand mámleketlik  veterinariya medicinası, sharwashılıq hám biotexnologiyalar universiteti Nókis filialında ótkerilgen «Biz – salamat turmıs tárizi tárepdarımız» temasında úǵit-násiyat ilajı haqqında                            MAǴLÍWMAT

2025-jıl 21-fevral kúni Samarqand mámleketlik  veterinariya medicinası, sharwashılıq hám biotexnologiyalar universiteti Nókis filialı belsendiler zalında bolıp ótken Ózbekistan Respublikası Joqarı bilimlendiriw, ilim hám innovaciyalar ministrliginiń 2025-jıl 17-fevraldaǵı 3/15-52-26-62-sanlı xatınıń orınlanıwın támiynlew boyınsha Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı X.Abdijaliev basshılıǵında is-ilaj ótkerildi. Is-ilajdı Jaslar máseleleri hám ruwxıy-aǵartıwshılıq isleri boyınsha direktordıń birinshi orınbasarı X.Abdijaliev alıp bardı hám kelgen taraw xızmetkerleri menen tanıstırıp ótti hámde óz sózinde AIJS keselligin juqtırıp alıw ashınarlı hám insanlardı oylandıratuǵın máseleler ekenligi, elimizde AIJS penen baylanıslı qáwiplerdiń aldın alıwda islenip atırǵan ilajlar haqqında aytıp ótti. 

Soń Qaraqalpaqstan Respublikası AIJS ke qarsı gúresiw orayı shıpaker-metodisti A.Djanibekova sózge shıǵıp, AIJS infekciyasınıń aldın alıw, xalıqtıń, ásirese jaslardıń sanitariya-gigienalıq mádeniyatın jáne de jetilistiriw hám olardı basqa da túrli jaman illetlerdiń tásirinen asıraw, AIJSqa shatılmaw ushın qanday ápiwayı qaǵıydalarǵa ámel qılıw kerek ekenligi haqqında toqtaldı hámde arttırılǵan immunitet jetispewshiligi sindromında virus organizmde qanday kóbeyiwi, qan aylanıw sistemasına túsken virus kletkalarǵa qalay hújim etiwi processi, basqıshları, klinikası, keselliktiń qanday belgileri bar ekenligi, keselliktiń qanday jollar menen juǵıwı haqqında zárúr maǵlıwmatlar berildi.

Bunnan soń Hayal-qızlar máseleleri boyınsha direktor másláhátshisi Z.Dauletova sózge shıǵıp, OITS (AIJS) keselligin juqtırıp alıwdıń ashınarlı jaǵday ekenligi, bul keselliktiń qanday jollar menen tarqalıwı onıń awır aqıbetleri, bunday keri jaǵdaylardıń kelip shıǵıw sebepleri, bul kesellikti juqtırıp alǵan shaxslar ózleri bilmegen túrde kesellikti basqalarǵa juqtırıwı múmkin ekenligi hám kesellikti jasırıw unamsız aqıbetlerge alıp keliwi hámde Ózbekstan Respublikası Jınayat Kodeksi hám basqada nızamlarında bul kesellikti jasırıw hám bile tura basqa shaxslarǵa juǵıwına sebepshi bolıwda belgilengen  juwapkershilikler haqqında aytıp ótti. AIJS penen baylanıslı qáwiplerdiń aldın alıwda hár bir insan juwapkershilikti sezingen halda átirapta bolıp atırǵan har qanday unamsız jaǵdaylarǵa biyparıq bolmay, bunday illetlerge qarsı gúresiwde tiykarınan jaslarımız belsendi bolıw zárúrligi haqqında aytıp ótti.