“Ilhom” mukofoti tanlovi e’loni

O‘zbekiston Respublikasi Vazirlar Mahkamasining 2020-yil 24-avgustdagi 503-sonli qarorida belgilangan vazifalar ijrosini taʼminlash maqsadida, oliy taʼlim muassasalarida tahsil olayotgan va faoliyat yuritayotgan yoshlar o‘rtasida adabiyotga bo‘lgan qiziqishni oshirish, ijodkor yoshlarni qo‘llab-quvvatlash hamda ularning maʼnaviy-maʼrifiy salohiyatini yuksaltirish maqsadida “Ilhom” mukofoti tanlovi e’lon qilinadi.

Tanlov shartlari:

• Tanlov har yili shoir va yozuvchilar hayoti hamda ijodini chuqur o‘rganishga bag‘ishlab o‘tkaziladi.

• Tanlov bosqichma-bosqich amalga oshiriladi: dastlabki saralash, asosiy va yakuniy bosqichlar.

• Har bir bosqich shaffoflik va xolislik tamoyillari asosida o‘tkaziladi.

G‘oliblar quyidagicha taqdirlanadi:

• 1-o‘rin – 100 BHM miqdorida pul mukofoti, maxsus diplom va statuetka;

• 2-o‘rin – 80 BHM miqdorida pul mukofoti, maxsus diplom va statuetka;

• 3-o‘rin – 40 BHM miqdorida pul mukofoti, maxsus diplom va statuetka.

Muhim sanalar:

• Tanlovning birinchi (saralash) bosqichi – test savollari olingandan so‘ng bir kun ichida o‘tkaziladi;

• Tanlovning asosiy bosqichi uchun hujjatlar har yili 15-aprelgacha topshirilishi lozim.

Qo‘shimcha ma’lumot:

• Tanlovning barcha bosqichlari “Katta adabiyot bayrami” haftaligi doirasida yuqori saviyada tashkil etiladi.

• G‘oliblarni taqdirlash marosimi ham haftalik doirasida o‘tkaziladi.

• Tanlov materiallari va yangiliklari oliy ta’lim muassasasining rasmiy veb-sayti hamda ijtimoiy tarmoqlardagi sahifalarida e’lon qilinib boriladi.

Ijodkor yoshlar, ushbu imkoniyatdan unumli foydalaning va o‘z iste’dodingizni namoyon eting!