N.Berdiniyazova, davlat organlari va ta'lim muassasalari o‘rtasida korrupsiyaga qarshi kurashish bo‘yicha mavjud qonunlar va huquqiy me'yorlar haqida ma'lumot berib, yoshlarni huquqiy ongini yuksaltirish va korrupsiyaning oldini olish uchun faol ishtirok etishga chaqirdi. U shuningdek, jamiyatda korrupsiya darajasini kamaytirish uchun xalqaro tajribalardan foydalangan holda ta'lim muassasalarida maxsus dasturlarni ishlab chiqish zarurligini ta'kidladi.

Yig'ilishda, korrupsiyaga qarshi kurashishda yoshlarning o‘rni va ularning jamiyatdagi roli haqida o‘rganishlar olib borildi. Talabalar va yoshlar, o‘z fikrlarini bildirgan holda, korrupsiyaning ta'lim, sog‘liqni saqlash, iqtisodiyot va boshqa sohalardagi salbiy ta'sirini muhokama qildilar. Ular, shuningdek, korrupsiyani kamaytirish uchun qonuniy va axloqiy choralarni ko‘rish zarurligini ta'kidladilar.

Tadbir oxirida, yig'ilish ishtirokchilari o‘rtasida korruptsiyaga qarshi kurashish borasida fikr almashish va muammoning hal etilishi uchun kelgusidagi harakatlar rejasi tuzildi. Yig'ilish, talabalar va yoshlar o‘rtasida korrupsiya bilan bog‘liq masalalar bo‘yicha ongli munosabatni shakllantirishda katta ahamiyat kasb etdi.