2025-yilda amalga oshirilishi rejalashtirilgan ishlar bo‘yicha ochiq muloqot o‘tkazildi

Joriy yilning 8-yanvar kuni filial direktori A. Esimbetov boshchiligida, filialda 2025-yilda amalga oshirilishi rejalashtirilgan ishlar bo‘yicha ochiq muloqot o‘tkazildi. Tadbirda direktor o‘rinbosarlari, professor-o‘qituvchilar va barcha bo‘lim xodimlari ishtirok etdi. Muloqotda joriy 2025-yilda belgilab olingan yangi maqsadlar va vazifalar muhokama qilindi, o‘qituvchilarning ilmiy va pedagogik faoliyatini yanada takomillashtirish masalalari alohida e’tibor qaratildi.Ochiq muloqot davomida 2025-yilda ilmiy salohiyatni oshirish bo‘yicha amalga oshirilishi lozim bo‘lgan ishlar keng muhokama qilindi. Filialda ilmiy tadqiqotlar va innovatsion loyihalarni rivojlantirish, professor-o‘qituvchilarni ilmiy izlanishlarga keng jalb qilish va ilmiy darajalarga ega bo‘lishlariga yordam berish masalalari ustuvor vazifalar sifatida belgilandi. O‘qituvchilarni ilmiy ishlarga faol jalb qilish, zamonaviy ilmiy metodlarni joriy etish va ilmiy tadqiqotlar uchun zarur sharoitlarni yaratish uchun aniq yo‘nalishlar belgilandi. Filialda ilmiy va pedagogik faoliyatning integratsiyasini kuchaytirish, yangi ilmiy metodologiyalarni rivojlantirishga qaratilgan ishlar alohida ta’kidlandi.
Tadbirda o‘qituvchilarning ilmiy va pedagogik faoliyatini yanada rivojlantirish bo‘yicha rejalashtirilgan chora-tadbirlar ham keng muhokama qilindi. O‘qituvchilarning o‘quv jarayonida samarali metodlar va zamonaviy pedagogik texnologiyalarni qo‘llashga, talabalar bilan ishlashda innovatsion yondashuvlarni tatbiq etishga, ta’lim sifatini oshirishga qaratilgan aniq tavsiyalar berildi. Bundan tashqari, o‘qituvchilarni pedagogik sohada o‘z bilim va ko‘nikmalarini rivojlantirish uchun zarur sharoitlar yaratish, o‘quv jarayonini yuqori darajada tashkil etish ham asosiy vazifalardan biri sifatida belgilandi.
Filialdagi o‘quv jarayonining samaradorligini oshirish bo‘yicha ham bir qator muhim vazifalar belgilandi. O‘quv rejalari va dasturlarini takomillashtirish, ilmiy tadqiqotlar va o‘quv jarayonida integratsiyani kuchaytirish, shuningdek, yangi metodologiyalarni joriy etish uchun kerakli chora-tadbirlar ishlab chiqildi. Professor-o‘qituvchilarning yangi bilimlarni o‘zlashtirishlari, amaliy ko‘nikmalarini oshirishlari uchun zarur infratuzilma va sharoitlar yaratish masalasiga alohida e’tibor qaratildi.
Ochiq muloqot davomida xalqaro miqyosda anjumanlar va ilmiy konferensiyalarni tashkil etish masalasiga alohida e’tibor qaratildi. Filialning xalqaro aloqalarini mustahkamlash, xorijiy ilmiy muassasalar bilan hamkorlikni kengaytirish va ilmiy-texnik innovatsiyalarni joriy etish bo‘yicha aniq yo‘nalishlar belgilandi. 2025-yilda o‘tkaziladigan xalqaro anjumanlar va konferensiyalar orqali o‘qituvchilar va talabalar uchun yangi ilmiy imkoniyatlar yaratish, ilmiy aloqalarni rivojlantirish, shuningdek, filialning xalqaro nufuzini oshirish maqsadlari ko‘zda tutilmoqda. Bu kabi tadbirlar, nafaqat ilmiy hamkorlikni kuchaytirish, balki o‘quv jarayonining sifatini oshirish, zamonaviy ilmiy yondashuvlarni va metodlarni tadbiq etishga ham xizmat qiladi.
Shuningdek olib borilgan muloqotda filialning ma’naviy-ma’rifiy faoliyatini yanada rivojlantirish masalalari ham muhokama qilindi. O‘qituvchilar va talabalar o‘rtasida ma’naviy qadriyatlarni targ‘ib qilish, ularni jamiyatda ijtimoiy mas’uliyatli va huquqiy ongli fuqarolar sifatida tarbiyalashga qaratilgan chora-tadbirlar belgilandi. Talabalarning ma’naviy salohiyatini oshirish uchun turli madaniy tadbirlar, seminarlar va suhbatlar o‘tkazish rejalashtirildi.
Muloqotda, shuningdek, filialning moddiy-texnik bazasini mustahkamlash va o‘quv jarayonini samarali tashkil etish uchun zarur infratuzilma yaratish masalalari ham muhokama qilindi. Filialda ta’lim jarayonini yuqori sifatda tashkil etish uchun zamonaviy o‘quv jihozlari, laboratoriyalar va texnologik uskunalar joriy etish zarurligi ta’kidlandi.
O‘quv binolarining ta’mirlanishi, zamonaviy kompyuter texnikalari va interaktiv o‘quv materiallari bilan ta’minlash, shuningdek, o‘quvchilar va o‘qituvchilar uchun qulay sharoitlar yaratish bo‘yicha chora-tadbirlar belgilandi. Moddiy-texnik bazaning kuchaytirilishi nafaqat o‘quv jarayonini samarali tashkil etishga, balki ilmiy tadqiqotlar va texnologik innovatsiyalarni rivojlantirishga ham katta hissa qo‘shadi.
Ochiq muloqot davomida 2025-yil davomida amalga oshirilishi rejalashtirilgan barcha ishlarga qaratilgan aniq yo‘nalishlar va vazifalar belgilandi. Filialning ilmiy va pedagogik salohiyatini oshirish, xalqaro aloqalarni mustahkamlash, ma’naviy-ma’rifiy ishlarni rivojlantirish, moddiy-texnik bazani kuchaytirish kabi muhim masalalar, kelgusi yilga qadar amalga oshirilishi zarur bo‘lgan vazifalar sifatida ajratildi. Muloqotda barcha ishtirokchilar o‘z bilim va tajribalarini safarbar etish, belgilangan maqsadlarga erishish yo‘lida birgalikda ishlashga tayyor ekanliklarini bildirdilar.
Ushbu ochiq muloqot, 2025-yilda amalga oshirilishi rejalashtirilgan barcha chora-tadbirlar va maqsadlarni belgilab berishda muhim qadam bo‘ldi. Bu, shuningdek, filialning kelajakdagi rivojlanish strategiyasini shakllantirish va ta’lim sifatini yanada oshirish uchun zarur asosni yaratdi.