Talabalar qishki ta’til davrini maroqli o‘tkazishi yuzasidan ovozli chat o‘tkazildi
26 дек 2024
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Talabalar qishki ta’til davrini maroqli o‘tkazishi yuzasidan ovozli chat o‘tkazildi
Ma'lumki, respublikamizdagi barcha OTM talabalari joriy yilning 25-dekabr sanasidan boshlab, qishki ta’tilga chiqdi. Samarqand davlat veterinariya meditsinasi, chorvachilik va biotexnologiyalar universiteti Nukus filialida har yili qishki ta'til paytida online tanlovlarni o‘tkazishni an'anaga aylantirgan. Ushbu an'anaga ko‘ra, filialda tahsil olayotgan talaba-yoshlarning qishki ta'til davrini mazmunli va maqsadli tashkil etish, bo‘sh vaqtlarida foydali ishlar bilan mashg‘ul bo‘lishlari uchun imkon yaratib berish hamda yangi yil bayramini zavqli o‘tkazishga hissa qo‘shish maqsadida turli online tanlovlarni o‘tkazish rejalashtirildi. Bugun ma'naviyat va ma'rifat xonasida mazkur mavzu yuzasidan filialning rasmiy telegram kanalida ovozli chat tashkil etildi. Unga Yoshlar bilan ishlash, ma'naviyat va ma'rifat bo‘limi boshlig‘i B.Palwaniyazov, Axborot xizmati rahbari Z.Xojamuratova, Yoshlar ittifoqi boshlang‘ich tashkiloti yetakchisi B.Xojabergenov, «Iqtisodiyot va gumanitar» fanlar kafedrasi ingliz tili o‘qituvchisi D.Matkarimova hamda tyutorlar ishtirok etishdi.
Online tarzda tashkil etilgan ovozli chat davomida tanlovlarga 27-dekabrdan boshlab start berilishi, qanday yo‘nalishlarda va qanday talablar asosida o‘tkazilayotganligi haqida tegishli mas'ullar tomonidan batafsil tushunchalar berib o‘tildi. Tanlov g‘oliblari qishki ta'tildan kelganlaridan so‘ng diplom va esdalik sovg‘alari bilan taqdirlanishi alohida ta'kidlab o‘tildi. Ovozli chatga qatnashgan talaba-yoshlar o‘z fikr-mulohozalarini bildirib o‘tishdi va o‘zlarini qiziqtirgan savollarga javoblarni olishdi. Ko‘zlangan eng asosiy maqsad talaba-yoshlarning ta'til kunlaridan unumli foydalanishi uchun sharoit yaratish va bo‘sh vaqtlarini mazmunli o‘tkazishini ta'minlashga hissa qo‘shishdan iborat.
Axborot xizmati
