SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“English club” to‘garagi bugungi kunda o‘z faoliyatini samarali tarzda olib bormoqda

«Iqtisodiyat va gumanitar fanlar» kafedrasida tashkil etilgan “English club” to‘garagi bugungi kunda o‘z faoliyatini samarali tarzda olib bormoqda. Talaba-yoshlarni ingliz tilini o‘rganishga kengroq jalb qilish va ularning amaliy bilimlarini mustahkamlab borish maqsadida haftaning payshanba kuni o‘tkazib boriladigan to‘garak davomida talabalarning ko‘nikmalari shakllanib bormoqda. Kafedraning ingliz tili o‘qituvchisi D.Matkarimova rahbarligidagi to‘garakning navbatdagi o‘quv mashg‘ulotlari yanada qiziqarli tarzda olib borildi. Talabalar o‘rtasida sog‘lom raqobatni shakllantirish maqsadida to‘garak a'zolari orasida turli mavzularda bellashuv o‘tkazildi.

Jumladan “Technology in Education” mavzusida insholar tanlovi, videoroliklar tanlovi va jamoaviy bellashuvlar o‘tkazildi. Faol qatnashgan talaba-yoshlardan 1-o‘rinni 1-bosqich 112-guruhning “Balance masters” jamoasi qo‘lga kiritgna bo‘lsa, 2-o‘rin 1-bosqich 113-guruh “Leaders” jamoasiga, 3-o‘rin esa 1-bosqich 110-guruch talabalarining “First stage” jamoalariga nasib etdi. G‘oliblar diplom bilan taqdirlandi. To‘garakda o‘tkazilgan mazkur tadbir talabalarning shaxsiy va kasbiy rivojlanishida muhim ahamiyatga ega bo‘ldi. Ingliz tilini o‘rganishga bo‘lgan qiziqishni yanada oshirish va yoshlarning kommunikativ ko‘nikmalarini mustahkamlashda “English club” o‘zining faoliyatini samarali davom ettirmoqda. Talabalar o‘rtasida sog‘lom raqobat muhitini yaratish, ularning ijodiy salohiyatini namoyon etish va jamoaviy ishlash ko‘nikmalarini oshirishga xizmat qiluvchi bunday tadbirlar kelgusida ham o‘zining ijobiy natijalarini beradi. G‘oliblar diplomlar bilan taqdirlanib, har bir ishtirokchiga o‘zining mehnatlari va sa'y-harakatlari uchun munosib e'tirof bildirildi. "English club" to‘garakning faoliyatlari talabalarga o‘z bilim va ko‘nikmalarini yanada oshirishga va kelgusida yangi muvaffaqiyatlarga erishishga imkon yaratadi.