“To‘maris izdoshlari” tanlovida bellashdi

---

Samarqand davlat veterinariya meditsinasi, chorvachilik va biotexnologiyalar universiteti Nukus filialida talaba-qizlar o’rtasida “To‘maris izdoshlari” tanlovi o’tkazildi. Ushbu tanlov, talaba-qizlarning insoniy fazilatlarni shakllantirish, jamiyat oldidagi mas’uliyatni his etish, milliy va umumbashariy qadriyatlarga hurmat, Vatanga muhabbatni oshirish, shuningdek, ular orasida intellektual faollikni rivojlantirish maqsadida tashkil etildi.
Tanlovda qizlar nafaqat o’zlarining aqliy salohiyatlarini, balki jismoniy tayyorgarliklarini ham ko’rsatishdi. Musobaqada “Sakura”, “To‘maris” va “Everest” kabi jamoalar o’zaro bellashdi. Tanlov davomida ishtirokchilar arqon tortish, armrestling
va skakalkada sakrash kabi qiziqarli shartlarni bajarib, o’zlarining chidamliligi, chaqqonligi va mahoratini namoyish etdilar.
Tanlovning maqsadi faqatgina g’olibni aniqlash emas, balki talaba-qizlarga Vatanga muhabbat, milliy qadriyatlarni hurmat qilish va jamiyatda o’z o’rnini topishga yordam berishdir. Ushbu tadbirda ishtirok etgan barcha jamoalar o’zlarining yuqori intellektual va jismoniy salohiyatlarini ko’rsatishga muvaffaq bo’lishdi.
Xotin-qizlar masalalari bo’yicha direktor maslahatchisi Z.Dawletova va dekan maslahatchisi N.Seytovaning ta’kidlashlaricha, bunday musobaqalar qizlarni jamiyatda faollikka undash, ularni mustaqil fikr yuritishga, jamoa bilan ishlashga va o’z maqsadlariga erishishda qat’iyatlilikka o’rgatadi. Ushbu tanlovda qatnashgan jamoalar munosib taqdirlanadi.
Bu kabi tanlovlar talaba-qizlarning qiziqishlarini va intilishlarini qo‘llab-quvvatlash va yanada rivojlantirishga xizmat qiladi.
Tanlovda ishtirok etgan barcha ishtirokchilarga muvaffaqiyatlar tilaymiz va kelgusida bunday tadbirlarda yanada yuqori natijalar ko’rsatishlarini ishonch bildiramiz.
скачать dle 12.1