Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Sportchi qizimizning navbatdagi g‘alabasi: Jahon chempionatida 3-o‘rinni qo‘lga kiritdi
Samarqand davlat veterinariya medisinasi, chorvachilik va biotexnologiyalar universiteti Nukus filialining Veterinariya-sanitariya ekspertizasi yo‘nalishi 4-bosqichida tahsil olayotgan Serimbetova Kamilabanu Tenelbaevna joriy yilning 2-3-noyabr kunlari Toshkent shahrida bo‘lib o‘tgan sportning “O‘zbek Jang San'ati” sport turi bo‘yicha ayollar o‘rtasidagi bahslarda -60 kg vazn toifasida qatnashib, jahon chempionatida 3-o‘rinni qo‘lga kiritdi.
Mazkur g‘alaba Kamilabanuning sport sohasidagi navbatdagi muvaffaqiyati desak mubolag‘a bo‘lmaydi. Boisi, talabamiz shu kunga qadar sportning ushbu turidan Qozog‘iston Respublikasi Chimkent shahrida bo‘lib o‘tgan Osiyo chempionatida 3-o‘rinni egallab bronza medalini qo‘lga kiritgan bo‘lsa, 2023 yil bo‘lib o‘tgan Osiyo Kubogida fahrli 1-o‘rinni qo‘lga kiritib, oltin medal sohibasiga aylangan edi. Qahramonimiz ushbu katta yutuqlari uchun filial rahbariyati tomonidan ikki marta tashakkurnoma va pul mukofati bilan taqdirlandi.
Albatta, uning sportga bo‘lgan qiziqishi va intilishlari o‘zining ijobiy samarasini ko‘rsatib, birin-ketin qo‘lga kirgizayotgan yutuqlari o‘ziga yanada kuch va ilhom bag‘ishlaydi deb o‘ylaymiz. Filial jamoasi Kamilabanuni erishgan yutug‘i bilan chin dildan tabriklaydi va uning kelgusida sport sohasida yanada yuqori natijalarga erishishini tilab qoladi. Sportchi talabamizning bu muvaffaqiyati uning sport sohasidagi kelajakka bo‘lgan ishtiyoqini yanada oshirib, katta maqsadlari sari shaxdam qadamlar ila borishi uchun motivasiya bo‘ladi deb o‘ylaymiz. G‘alaba muborak!
Axborot xizmati
