SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“Stop korrupsiya» chellendji o‘tkazilmoqda

Samarqand davlat veterinariya meditsinasi, chorvachilik va biotexnologiyalar universiteti Nukus filialida “komplayens nazorat” tizimini boshqarish bo‘limi tomonidan “Stop korrupsiya» chellendji o‘tkazildi. Talaba-yoshlar orasida mana shunday chellendjlarni o‘tkazish orqali ularning huquqiy savodxonligi darajasini yanada oshirish, mamlakatimizda korrupsiyaga qarshi kurashish yo‘nalishida amalga oshirib kelinayotgan keng ko‘lamli ishlarning mazmun va mohiyatini ular ongiga chuqur singidirish hamda bo‘lajak yosh mutaxassislarni adolatli va shaffof tizim asosida o‘z vazifasiga sodoqat bo‘lishga o‘rgatish kabi ezgu maqsadlar yotadi.

“Stop korrupsiya» chellendjiga filialdagi professor-o‘qituvchilar, xodimlar hamda talaba-yoshlar faol ishtirok etishmoqda. Agar har bir inson o‘z xizmat vazifasini amalga oshirishda ochiqlik, oshkoralik, shaffoflik, erkinlik va adolat kabi prinsiplarga tayansa, biz albatta yaqin kelajakda korrupsiyadan xoli sohaga erishamiz.

Talabalar ongiga halollik va ezgulik tushunchalari singdirib borilsa, ular korrupsiyaga qarshi kurashda faol bo‘lishadi va har doim adolat tarafida bo‘ladilar. Shu kabi tadbirlarda faol ishtirok etish orqali ular soha bo‘yicha huquqiy bilim va tushunchalarga ega bo‘lishadi. Filial talaba-yoshlari orasida mazkur chellendj davom etadi.