SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Taniqli yozuvchi va shoirlar bilan bir kun

Ayni kunlarda yurtimizdagi Oliy taʼlim muassasalarida “Maʼrifat ulashib” loyihasi doirasida taniqli shoir va yozuvchilar bilan uchrashuvlar o‘tkazilib, loyiha doirasida turli qiziqarli tadbirlar tashkil etilmoqda. Joriy yilning 7-oktyabr kuni Samarqand davlat veterinariya meditsinasi, chorvachilik va biotexnologiyalar universiteti Nukus filialida ham ushbu loyiha doirasida “Maʼrifat ulashib” loyihasi doirasida qator tadbirlar tashkil etildi. Qoraqalpog‘iston xalq yozuvchisi, taniqli jurnalist O‘razboy Abdurahmonov, O‘zbekistonda xizmat ko‘rsatgan madaniyat xodimi, Qoraqalpog‘iston xalq shoiri Rustam Musurmon, ajoyib shoira Zebo Mirzo filialda fahrli mehmon bo‘lishdi. Filial rahbariyati taniqli ijodkorlarni ehtirom bilan qarshi olib, samimiy muloqot olib borishdi. Suhbat chog‘ida ularga filial turmushi haqida ma'lumotlar berib o‘tildi.
Majlislar zalida esa ijodkorlar va talaba-yoshlar uchrashuvi tashkil etildi. Filial direktori uchrashuvni kirish so‘zi bilan ochib berib, bugungi tadbirning nechog‘lik muhim ahamiyatga ega ekanligi va yoshlar ma'naviyatini yanada yuksaltirishda muhim o‘rin tutishi haqida to‘xtaldi. Uchrashuv davomidaQoraqalpog‘iston xalq yozuvchisi, filologiya fanlari nomzodi A.Abdiev, Qoraqalpog‘iston xalq yozuvchisi O‘.Abdurahmonov, Qoraqalpog‘iston xalq shoiri R.Musurmon, shoira Zebo Mirzo so‘zga chiqib bugungi kunda yurtimizda adabiyotimizni, ma'naviyatimizni yanada yuksaltirish borasida amalga oshirilayotgan ishlar, yoshlar qalbida milliy adabiyotimizga bo‘lgan mehr-muhabbatni yanada kuchaytirish maqsadida respublikamiz bo‘ylab tashkil etilayotgan “Maʼrifat ulashib” loyihasining ahamiyati haqida so‘z yuritishdi.

Uchrashuv davomida talaba-yoshlar bilan samimiy muloqot olib borildi, qahramonlarimiz o‘zlarining ijod va hayot tajribalarini o‘rtoqlashdi. Uchrashuv doirasida shoira Zebo Mirzo Qoraqalpog‘iston Respublikasi Nukus shahar maktabgacha va maktab talim bo‘limiga qarashli 33-sonli ayrim fanlar chuqurlashtirilib o‘qitiladigan sinflari mavjud umumiy o‘rta ta’lim maktabida bo‘lib,
U yerda tahsil olayotgan o‘quvchilar bilan suhbatlashdi. Uchrashuvlardan so‘ng loyiha doirasidagi tadbirlarga start berildi. Jumladan, ijodkorlarimiz Rustam Musurmon va shoira Zebo Mirzo filial direktori Adilbay Esimbetov bilan hamjihatlikda filial hududiga ezgu niyatlar bilan daraxt ko‘chatlarini o‘tqazishdi. Albatta shu kabi ezgu tashabbuslar yoshlarga ijobiy tomonlama o‘rnak bo‘ladi deb o‘ylaymiz. Talaba-yoshlarimiz shoirlarning ijodi bilan yanada yaqindan tanishish uchun «Zakovat» intellektual o‘yini o‘tkazildi. Unda ishtirokchi jamoalar qahramonlarimizning ijodiy faoliyatidan tuzilgan qiziqarli savollarga javob izlashdi. Shuningdek, zukko talabalar ishtirokida “Munozara” debat o‘yini o‘tkazildi. Tadbirlar o‘z yakuniga yetgach mehmonlar uchun dasturxon yozilib, osh damlandi.

Choy ustida samimiy suhbat qurildi. Bugungi tadbirning yakuniy qismida esa mehmonlar va talaba-yoshlar gulxan atrofida jam bo‘lishib, she'riyat, adabiyot haqida ijobiy fikr-mulohazalar bildirildi. Filial direktori A.Esimbetov mehmon ijodkorlarga bugungi tashrif uchun alohida minnatdorchilik izhor kilib, filial rahbariyati nomidan tashakkurnoma topshirdi. Ular ham so‘zga chiqib, o‘zlariga qo‘rsatilgan hurmat-e'tibor uchun tashakkurlar aytishib, filial atmosferasi ular uchun manzur bo‘lgani va Toshkentga iliq taassurotlar bilan qaytishini alohida e'tirof etishdi. “Maʼrifat ulashib” loyihasi doirasida tashkil etilgan tadbirlar talaba-yoshlar qalbida shirin xotiralar bilan muhirlandi.