SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Kasb bayrami arafasida o‘qituvchilar uchun munosib bayram tadbiri tashkil etildi

Samarqand davlat veterinariya meditsinasi, chorvachilik va biotexnologiyalar universiteti Nukus filialida 1-oktabr – “O‘qituvchi va murabbiylar kuni” munosabati bilan bayram tadbiri tashkil etildi. Qoraqalpog‘iston Respublikasi veterinariya va chorvachilikni rivojlantirish qo‘mitasi qo‘mita raisining o‘rinbosari Q.Pirnazarov, filialrahbariyati, professor-o‘qituvchilari, hamda talaba-yoshlar ishtirok etgan ushbu tadbir boshida O‘zbekiston va Qoraqalpog‘iston Respublikalari davlat madhiyalari yangradi. Filial direktori, professor A.Esimbetov tadbir boshida so‘z olib, o‘qituvchi sharafli kasb ekanligini hammamiz juda yaxshi bilishimiz, bu sharafli kasb egalarini qancha e'zozlasak, shuncha kamdek tuyilishi, ularning zimmasida kelajagimiz egalari bo‘lgan navqiron avlodni tarbiyalashdek muhim bir vazifa turganligini alohida ta'kidlab o‘tdi. Tadbir davomida so‘zga chiqqanlar, so‘nggi yillarda mamlakatimizda o‘qituvchilarining samarali mehnatlari munosib baholanib, ularning nufuzini yanada oshirish bo‘yicha olib borilayotgan ezgu ishlar haqida to‘xtaldi. Tadbirning kul'minasiya nuqtasida esa Muhtaram Prezidentimiz o‘z nutklarining birida «Muallimning obro‘-e'tibori esa bu millatning, butun xalqning obro‘-e'tiboridir»-deya ta'kidlab o‘tgan edi.

Darhahiqat arhaqiqat, har birimizning o‘z kasbimizning yetuk mutaxassisi bo‘lib, jamiyatda o‘z o‘rnimizni topishimizda ularning xizmati beqiyosdir. Inson qanday mavqei va darajaga erishmasin, u albatta, maktabda oddiy muallimdan ta'lim olgan bo‘ladi. Tadbirning kul'minasiya nuqtasida filialda samarali faoliyat yuritib kelayotgan bir qator professor-o‘qituvchilar O‘zbekiston Respublikasi Qishloq xo‘jaligi vazirligi tomonidan tashakkurnoma hamda filial rahbariyati tomonidan fahriy yorliqlar va sovg‘alar bilan taqdirlanishdi. Shuningdek, sana munosabati bilan filial kasaba yushmasi tomonidan professor-o‘qituvchilar va xodimlar o‘rtasida o‘tkazilgan «Zakovat» intellektual o‘yinida g‘olib bo‘lgan jamoalarga diplom va sovg‘alar topshirildi.

Taqdirlash marosimi o‘z yakuniga yetgach konsert dasturi namoyish etildi. Unda O‘zbekiston Respublikasi filormoniyasi Qoraqalpog‘iston bo‘limining taniqli qo‘shiqchilari o‘zlarining kuy-qo‘shiqlari bilan yig‘ilganlarga xushkayfiyat taqdim etgan bo‘lsa, filialning iqtidorli talaba-yoshlaridan tashkil topgan «Qarekenshe online» jamoasi a'zolari ijrosidagi ajoyib raqslar va qiziqarli chiqishlar haqiqiy bayram atmosferasini yaratib bera oldi.