Talabalar va mahalla yoshlari direktor kubogi uchun bellashdi
Samarqand davlat veterinariya meditsinasi, chorvachilik va biotexnologiyalar universiteti Nukus filialida talabalar va «Gulzor» MFY yoshlari o‘rtasida sportning mini futbol turi bo‘yicha “Direktor kubogi” musoboqasi o‘tkazildi.
Filialda tahsil olayotgan talaba-yoshlarning sportga bo‘lgan qiziqishini yanada kuchaytirish, sport sohasida tashabbuslarini qo‘llab-quvvatlash, ular orasida sog‘lom turmush tarzini shakllantirish hamda sport bilan shug‘ullanishi uchun mos shart-sharoitlarni yaratib berish maqsadida tashkil etilgan ushbu musobaqada jami 12 ta jamoa direktor kubogi uchun bellashdi. Deyarli 100 ga yaqin talabalar va yoshlarni qamrab olingan musobaqa qiziqarli taassurotlarga boy bo‘ldi.
Jamolar hamjihatlikda g‘alabani qo‘lga kiritish uchun intilishdi. Musobaqa g‘oliblarini tantanali taqdirlash marosimida filial direktori A.Esimbetov, Qoraqalpog‘iston Respublikasi sport vaziri o‘rinbosari A.Qalbaev, Ommaviy sportni rivojlantirish bo‘limi boshlig‘i I.Kudiyarovlar so‘zga chiqib, mamlakatimizda ayniqsa yoshlar orasida sportni keng targ‘ib qilish, ularni turli sport musobaqalariga jalb qilish orqali bo‘sh vaqtlarini mazmunli tashkil etish va salomatligini mustahkamlashga qaratilayotgan alohida e'tibor haqida to‘xtalib o‘tdi.
“Direktor kubogi” musobaqasining yakuniy natijasiga ko‘ra, faxrli birinchi o‘ringa «Turon» jamoasi loyiq deb topildi va direktor kubogi sohibiga aylandi. Ikkinchi o‘rinni «Terbenbes» egallagan bo‘lsa, «Gulzor» MFY yoshlari uchinchi o‘rinni qo‘lga kiritishdi. Musobaqa g‘oliblari diplom hamda qimmatbaho sovg‘alar bilan taqdirlandi.
Axborot xizmatiскачать dle 12.1
Telefon
E-mail
