Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Professorning 60 yillik yubileyi munosib nishonlandi Axborot xizmati
Bugun Samarqand davlat veterinariya meditsinasi, chorvachilik va biotexnologiyalar universiteti Nukus filialining ilmiy ishlar va innovatsiyalar bo‘yicha direktor o‘rinbosari, qishloq xo‘jaligi fanlari doktori, professor Turganbaev Ruzimbay Urazbaevichning 60 yillik yubileyi nishonlandi. Tadbirda filial rahbariyati, Qoraqalpog‘iston Respublikasi Veterinariya va chorvachilikni rivojlantirish qo‘mitasi vakili, professor-o‘qituvchilar, bo‘lim xodimlari hamda talaba-yoshlar ishtirok etishdi. Filial direktori, professor Adilbay Esimbetov tadbir boshida so‘z olib, Ruzimbay Urazbaevichni bugungi tavallud ayyomi bilan samimiy muborakbod etib, ezgu tilaklarini bildirib o‘tdi. U o‘z so‘zida R.Turganbaevning filial tashkil etilganidan to shu kunga qadar amalga oshirib kelayotgan samarali ishlari, ilmiy jozibadorlikni orttirishda salmoqli hissa qo‘shib kelayotganligi, ijobiy ishlarda tashabbuskorligi hamda yaxshi insoniy fazilatlari haqida alohida ta'kidlab o‘tdi.
—Sizni ko‘p yillik umrini ilmga bag‘ishlab, hozirgi kunda rahbariyat ishi bilan ilmiy ishning muvozanatini saqlab kelayotgan, ko‘plab shogirdlarni tarbiyalab, ularga ham ilm yo‘lida ham hayot yo‘lida to‘g‘ri yo‘nalish bera olgan fidoyi insonlardan biri desak yangilishmagan bo‘lamiz —deydi direktor A.Esimbetov. «Zooinjeneriya» kafedrasining o‘qituvchisi Z.Dawletova tomonidan R.Turganbaevning hayoti va ilmiy faoliyati haqida hikoya qilib berildi. Shundan so‘ng, tadbirda Qoraqalpog‘iston Respublikasi Veterinariya va chorvachilikni rivojlantirish qo‘mitasi raisining o‘rinbosari B.Qurbaniyazov, direktor o‘rinbosarlari, o‘qituvchilar hamda shogirdlar so‘zga chiqib, professorning filial rivojiga munosib hissa qo‘shish bilan bir qatorda, ilm olamida ko‘plab shogirdlar tayyorlagan muhtaram ustoz hamda ehtiromga loyiq inson ekanligini ta'kidlashdi, o‘zlarining samimiy tilaklarini bildirishdi.
Tadbirning yakuniy qismida tug‘ilgan kun sohibiga hurmat va e'zoz ko‘rsatilib, sovg‘alar topshirildi. Fursatdan foydalanib filialimiz professori Turganbaev Ruzimbay Urazbaevichni 60 yillik yubileyi bilan yana bir karra samimiy muborakbod etamiz. Biz sizni nafaqat ustoz. balkim samimiy va kamtar inson sifatida e'zozlaymiz! Sizning manzilingizga eng ezgu tilaklarimizni yo‘llab qolamiz.
Axborot xizmati
