Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Respublikamizdagi nufuzli gazeta tahririyatlarining vakillari bilan uchrashub o‘tkazildi
Bugun Samarqand davlat veterinariya meditsinasi, chorvachilik va biotexnologiyalar universiteti Nukus filialida Respublikamizdagi nufuzli gazeta tahririyatlaridan tashrif buyurgan vakillar ishtirokida matbuot yarmarkasi tashkil etildi. Tadbirni filial direktori A.Esimbetov kirish so‘zi bilan ochib berdi.
Filial rahbariyati, professor-o‘qituvchilar, xodimlar va talaba-yoshlar qatnashgan ushbu tadbirda «Yangi O‘zbekiston» gazetasining Qoraqalpog‘iston Respublikasi bo‘yicha muxbiri, ««Qaraqalpaqstan hawazı» gazetasi muharriri M.Qutlimuratov, «Qaraqalpaqstan jasları» gazetasi muhbiri, Qoraqalpog‘iston Respublikasiga mehnati singan jurnalist Sh.Siypatdinov, «Qoraqalpog‘iston tongi» gazetasi xodimasi A.Jaqsimuratova, “Erkin Qaraqalpaqstan” gazetasi muhbiri Z.Dosnazarovalar so‘zga chiqib, bugungi kunda chop etilayotgan gazeta-jurnallardagi maqolalar va ularning mazmuni, hilma-xilligi, bosma nashlar mamlakatimizda yuz berayotgan yangilanishlar va o‘zgarishlar haqida aholiga ishonchli axborot yetkazib berishda xizmat qilib kelayotganligi va Ommaviy axborot vositalari orasida aynan gazetalarning o‘z o‘rni va nufuzi bor ekanligi xususida so‘z yuritdi. Vakillar yig‘ilganlarni o‘zlari faoliyat yuritayotgan gazetalarga obuna bo‘lishga chaqirdi va filial rahbariyati bu borada ularni qo‘llab-quvvatlashini ta'kidlab o‘tdi.
Shuningdek, tashrif buyurganlar tomonidan bugungi kunda respublikamizda ro‘yxatga olingan gazeta va jurnallar haqida ma'lumotlar berib o‘tildi. Bugungi kunda aholi orasida gazeta-jurnal mutolaasiga bo‘lgan talab kamayib borayotganligi hamda obuna masalasida uchrayotgan kamchilik va qiyinchiliklar xususida aytib o‘tildi. Yig‘ilganlar bilan shu masalalar bo‘yicha samimiy muloqot olib borildi. Tadbir yakunida Respublikadagi bosma nashrlarga obuna bo‘lish va hamkorlikda maqolalar tayyorlab borish bo‘yicha tavsiyalar berildi.
Axborot xizmati
