SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

«Direktor kubogi» g‘oliblari taqdirlandi

Joriy yilning 18-may kuni Samarqand davlat veterinariya meditsinasi, chorvachilik va biotexnologiyalar universiteti Nukus filialida professor-o‘qituvchilar va xodimlar o‘rtasida sportning stol tennisi turi bo‘yicha «Direktor kubogi» musobaqasi o‘tkazildi. Kafedra o‘qituvchilari va xodimlarning jismoniy faolligin yanada oshirish, ularning bo‘sh vaqtlarini mazmunli o‘tkazish hamda sportga bo‘lgan qiziqishini yanada oshirish maqsadida tashkil etilgan musobaqa qizg‘in bahs va munozaralarga boy bo‘ldi. Musobaqa davomida 4 kafedra o‘qituvchilari va xodimlar direktor kubogini qo‘lga kiritish uchun o‘zaro bellashdi.

O‘yinga «Iqtisodiyot va gumanitar» fanlar kafedrasining jismoniy tarbiya o‘qituvchisi Q.Urazbaev hakamliq qilib bordi. Qiziqarli taassurotlarga boy tarzda o‘tgan musobaqa davomida o‘qituvchi va xodimlar faol qatnashib, tirishqoqlik ko‘rsatishdi. Barchaga pozitiv kayfiyat ulashildi.

O‘yinning yakuniy natijalariga ko‘ra erkaklar orasida o‘tkazilgan musobaqada fahrli birinchi o‘rinni “Veterinariya meditsinasi va oziq-ovqat xavfsizligi” kafedrasining assistent-o‘qituvchisi S.Komiljonov qo‘lga kiritdi. 2-o‘rinni xodimlardan Z.Alewov egallagan bo‘lsa, 3-o‘rinni «Iqtisodiyat va gumanitar fanlar» kafedrasining assistent-o‘qituvchisi E.Seytmuratov egalladi. Ayollar o‘rtasida esa «Hayvonlar anatomiyasi, fiziologiyasi va biokimyosi» kafedrasining assistent-o‘qituvchisi B.Muratbaeva 1-o‘rinni egallab o‘yin g‘olibasiga aylangan bo‘lsa, ushbu kafedraning yana bir assistent-o‘qituvchisi Z.Ospanova 2-o‘rinni egalladi. Xodimlardan K.Kojambergenovaga 3-o‘rin nasib etdi.

Tantanali taqdirlash marosimida filial direktori Adilbay Esimbetov ishtirok etib, barcha musobaqa qatnashchilariga minnatdorchilik izhor etdi va g‘oliblarni samimiy tabrikladi. G‘olib bo‘lgan ishtirokchilar kasaba uyushmasi qo‘mitasi tomonidan sovg‘alar bilan taqdirlanishdi. Musobaqaning mutloq g‘oliblariga filial direktori tomonidan «Direktor kubogi» topshirildi.