Gender tenglik masalalari va ayollarga bog‘liq zo‘ravonlikni bartaraf qilish bo‘yicha davra suhbati o‘tkazildi

A.Namenova o‘z nutqida ayollarga nisbatan zo‘ravonlik muammosini bartaraf etish borasida amalga oshirilib kelinayotgan ishlar, ushbu muammo har qanday jamiyat uchun dolzarb bo‘lib kelayotganligi va Xotin-qizlar huquqlarini poymol qilish bilan bog‘liq jinoyatlar jazosiz qolmasligini qayd etib o‘tdi.  Shuningdek, yig‘ilganlarga oilaviy zo‘ravonlik va uning salbiy oqibatlari, joylarda turli targ‘ibot tadbirlari va tushuntirish ishlari olib borilishiga qaramay hali-hanuz ayollarga nisbatan tazyiq va zo‘ravonliklar sodir etilayotganligi juda achinarli holat ekanligi haqida gapirib berdi. Mutaxassis statistik ma'lumotlarni keltirib, talaba-qizlarga aniq tushunchalarni berdi. Mana shunday zo‘ravonliklarning oldini qanday qilib olish mumkinligi, shu kabi salbiy holatlarni o‘rganib ijobiy yechim topish zarurligini ta'kidlab o‘tdi. Qizlar bilan olib borilgan muloqot davomida mavzu doirasida masalalar muhokama qilindi. Talabalar o‘zlarini qiziqtirgan savollar bilan mutaxassisga murojaat qilib, qoniqarli javoblarni olishdi. Tadbir davomida gender tenglik masalalari va ayollarga bog‘liq zo‘ravonlikni bartaraf qilish mavzusiga alohida urg‘u berildi.Axborot xizmati