Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Tyutorlar boshchiligidagi kitobxonlar bellashdi
Ma'lumki, so‘nggi yillarda mamlakatimizda Prezidentimiz tashabbusi bilan yoshlar orasida kitobxonlikni keng targ‘ib qilish maqsadida turli tanlov va loyihalar amalga oshirilmoqda. Shu yo‘nalishdagi tadbirlarga oliy ta'lim muassasalari talabalarini ham keng jalb qilishga alohida e'tibor qaratilib kelinmoqda. Joriy yilning 26 aprel kuni Samarqand davlat veterinariya meditsinasi, chorvachilik va biotexnologiyalar universiteti Nukus filialida «Yosh kitobxon talabalar ligasi» tanlovi tashkil etildi. Filialda tahsil olayotgan talaba-yoshlarning kitob mutollasiga bo‘lgan mehrini yanada oshirish, adabiyot bo‘yicha bilimlarini sinovdan o‘tkazish, ularga hamjihatlikda jamoa bo‘lib intellektual duelda raqobatlashish uchun imkoniyat yaratib berish maqsadida o‘tkazilgan tanlov kitobxon talaba-yoshlarni bir joyga jamladi.
Tanlov ishtirokchilarini Qoraqalpog‘iston xalq yozuvchisi, filologiya fanlari nomzodi A.Abdiev, Qoraqalpog‘iston Respublikasi Axborot-kutubxona markazi mutaxassisi G.Ablakimova, Yoshlar bilan ishlash bo‘yicha dekan muovini E.Seytmuratovlar odil tarzda baholab bordi. Ishtirokchilar shartlarni bajarish davomida o‘z bilim va qobiliyatlarini namoyon qilishdi.
Bahs-munozaralarga boy tarzda kechgan tanlov yakunida tyutor R.Xojametov boshchiligida tarkib topgan «Buyuk millat farzandlari» jamoasi fahrli birinchi o‘rinni qo‘lga kiritdi. 2-o‘rinni tyutor B.Iskakovning talaba-yoshlarining «Renessans» jamoasi egalladi. Tyutor J.Mambetniyazovning «Apollon» jamoasiga esa 3-o‘rin nasib etdi. Tanlov g‘oliblari diplom bilan taqdirlandi va pul mukofati bilan rag‘batlantirilishi ta'kidlab o‘tildi. Filialning kitobxonlar bellashuvi qiziqarli tarzda olib borildi.
Axborot xizmati
