SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“Fakultet go‘zali” tanlovi nominatsiyasiga qaysi qiz loyiq deb topildi

Samarqand davlat veterinariya meditsinasi, chorvachilik va biotexnologiyalar universiteti Nukus filiali “Veterinariya va zooinjeneriya” fakulteti tomonidan talaba-qizlar orasida “Fakultet go‘zali” tanlovibo‘lib o‘tdi. 4 shart asosida o‘tkazilgan tanlovda jami 12 nafar ishtirokchi qatnashdi. Tadbirni fakultet dekani A.Kaniyazov ochib berdi.

Tanlov qiziqarli taassurotlar va hayojonlarga boy tarzda bo‘lib o‘tdi. Ayniqsa, har millatdan bitta mehmon atamasidagi shart davomida ishtirokchi qizlar turkman, qozoq, ozarbayjon, rus, ukrain va koreys millatining urf-odatlari va an'analarini ko‘rsatib berdi. Go‘zal qizlar turli millatning milliy liboslarida yanada latofatli va jozibador ko‘rindi. Shuningdek, xalq maqollarini aytish, qizlar tarbiyasiga oid sahnali ko‘rinishlarda ham ishtirokchilar o‘zlarining ajoyib ijrosi bilan hakamlar hay'ati a'zolarida iliq taassurot qoldirdi. Tanlov yakunida 1-bosqich 103-guruh talabasi Zarina Zaripbaeva g‘olibalikni qo‘lga kiritib, “Fakultet go‘zali” nominatsiyasiga loyiq deb topildi. Taqdirlash marosimida fakultet dekani tomonidan diplom va qimmatbaho sovg‘a topshirildi.

Xotin-qizlar masalalari bo‘yicha dekan maslahatchisi Z.Dauletova esa tanlov g‘olibasiga toj kiydirdi. Qolgan ishtirokchilarga turli nominatsiyalar bo‘yicha diplom topshirildi. Taqdirlash marosimidan so‘ng filialning iqtidorli talabalaridan tashkil topgan «Qarekenshe onlayn» jamoasi tomonidan tayyorlangan konsert dasturi namoyish etildi. “Fakultet go‘zali” go‘zallik tanlovi yuqori saviyada tashkil etildi.