SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

"Mahallada duv-duv gap" ma'naviy-ma'rifiy tadbirlari o‘tkazilmoqda

Ayni kunlarda respublikadagi barcha mahallalarda "Yangi hayot uchun, yangi O'zbekiston uchun!" shiori ostida keng qamrovli "Mahallada duv-duv gap" ma'naviy-ma'rifiy tadbirlari o‘tkazilmoqda. Samarqand davlat veterinariya meditsinasi, chorvachilik va biotexnologiyalar universiteti Nukus filiali mas'ullari tomonidan ham joylarda tadbirlar olib borilmoqda. Jumladan, Yoshlar bilan ishlash, ma'naviyat va ma'rifat bo‘limi boshlig‘i A.Seytkamalov, «Veterinariya va zooinjeneriya» fakultetining yoshlar bilan ishlash bo‘yicha dekan muovini E.Seytmuratov, «Iqtisodiyat va gumanitar fanlar» kafedrasi mudiri P.Xojalepesov va o‘qituvchilari Taxtako‘pir tumanining «Davr» MFY hamda «Mustaqillik» MFYdagi 6-son umumta'lim maktabida bo‘lib, ma'naviy-ma'rifiy tadbirlarda ishtirok etishdi. Tadbir ishtirokchilariga 2023-yil 22-dekabr kuni Davlatimiz rahbari raisligida o'tkazilgan Ma'naviyat va ma'rifat Kengashida belgilab berilgan muhim vazifalar va so‘z etilgan asosiy masalar bo‘yicha batafsil tushunchalar berildi.

Unda ilgari surilgan ezgu tashabbuslarning ahamiyatiga to‘xatlib o‘tildi.Tadbir davomida yoshlar tomonidan berilgan savollarga javoblar taqdim etildi. Tadbirning yakuniy qismida tumandagi Madaniyat bo‘limi tomonidan qiziqarli konsert dasturi namoyish etildi. Jonli tarzda ijro etilgan kuy-qo‘shiqlar barchaga birdek manzur bo‘ldi. Zaldagilar raqsga tushib, qo‘shiqlarga jo‘r bo‘lishdi. "Mahallada duv-duv gap" ma'naviy-ma'rifiy tadbirlari davom etmoqda.