Belgilangan muhim vazifalar bo‘yicha filial jamoasiga tushunchalar berildi

Bugun Samarqand davlat veterinariya meditsinasi, chorvachilik va biotexnologiyalar universiteti Nukus filialining majlislar zalidajoriy yilning 22 dekabr kuni Davlatimiz rahbari ishtirokidagi  Respublika Ma'naviyat va ma'rifat kengashining kengaytirilgan yig‘ilishida muhokama qilingan muhim masalalar va belgilab berilgan vazifalarning mazmun-mohiyatini tushuntirish maqsadida uchrashuv takshil etildi. Ushbu tadbirga Respublika Ma'naviyat va ma'rifat markazi,  Taxiatosh tumani Respublika Ma'naviyat va ma'rifat bo‘limi boshlig‘i B.Paluaniyazov, filial rahbariyati, o‘qituvchilar va xodimlar qatnashdi. Filial direktori Adilbay Esimbetov tadbirni kirish so‘zi bilan ochib berdi va bugunmamlakatimizda yuz berayotgan yangilanishlarda ma'naviy va ma'rifiy islohotlar katta ahamiyatga ega ekanligi, bugun bor kuch-g‘ayratimizni yoshlarga sifatli ta'lim berish va ularning ma'naviyatini yanada yuksaltirib borishga sarflashimiz hamda sog‘lom dunyoqarashga ega va har tomonlama yetuk bo‘lgan avlodni voyaga yetkazishga alohida e'tibor qaratishimiz zarur ekanligini alohida ta'kidlab o‘tdi. Shundan so‘ng, B.Paluaniyazov so‘zga chiqib, Muhtaram PrezidentimizMa'naviyat va ma'rifat kengashining kengaytirilgan yig‘ilishida aynan qaysi masalalarga alohida to‘xtalganligi bo‘yicha batafsil gapirib berdi.  Yig‘ilganlarga ma'naviyat va ma'rifat, madaniyat va san'at sohalarida kelgusida amalga oshirilishi zarur bo‘lgan ustuvor vazifalar belgilab berilganligi va ularning mazmun-mohiyati bo‘yicha keng tushunchalar berildi. Ishtirokchilarga Prezident o‘z nutqida   jonkuyarlik bilan bildirgan fikrlari to‘laqonli yetkazib berildi. Tadbir yakunida tashrif buyurgan mehmon tomonidan filial kutubxonasi uchun  “Yangi Mo‘ynoq” kitob-albomi taqdim etildi.