SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filial jamoasiga bayram sovg‘alari ulashildi

Mo‘'jizaviy bayram bo‘lgan yangi yil arafasida barcha yaqinlariga bayram sovg‘alarini ulashilib, samimiy tilaklarini bildiradi. Samarqand davlat veterinariya meditsinasi, chorvachilik va biotexnologiyalar universiteti Nukus filialida har yili yangi yil bayrami arafasida professor-o‘qituvchilar va xodimlarga bayram sovg‘alarini ulashish an'anaga aylangan. Ushbu an'anaga sodiq qolgan holda, bugun butun filial jamoasi bir joyga jam bo‘lishdi.

Bayram tadbiri boshida filial direktori Adilbay Esimbetov so‘zga chiqib, yig‘ilganlarni kirib kelayotgan yangi yil bilan qutlab, eng ezgu tilaklarini bildirdi. —Joriy yil biz uchun juda barakali va yutuqlarga boy yil bo‘ldi. Oldimizga qo‘ygan katta rejalar va vazifalarni hamjihatlikda amalga oshirdik. Bizning bugungi barcha sa'y-harakatlarimiz zamirida yoshlarga sifatli ta'lim berish va filialimizning reytingini ko‘tarish, shu orqali esa jamiyatimizni zamonaviy bilimga ega kadrlar bilan ta'minlashdek ulug‘ maqsad mujassam. Qalbimizga ezgu istaklarni joylab, og‘izbirchilik bilan intilsak, barcha maqsadlarimizga erishamiz. Yuqori pog‘onalarga birdamlikda ko‘tarilib boramiz—dedi Adilbay Esimbetov.
Shuningdek, direktor o‘rinbosarlari va boshqalar so‘zga chiqib, filial jamoasini bayram bilan tabrikladi. Tadbir davomida barchaga yangi yil sovg‘alari ulashildi. Shuningdek, yil davomida faol mehnat qilib, filial rivojida o‘zlarining salmoqli hissalarini qo‘shgan bir guruh fidoyi xodimlar direktor tomonidan fahriy yorliq bilan taqdirlandi. Mana shu tariqa butun filial jamoasiga haqiqiy bayram kayfiyati ulashildi.