Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Yoshlarga targ‘ibot tadbiri doirasida tushunchalar berildi
Bugun Samarqand davlat veterinariya meditsinasi, chorvachilik va biotexnologiyalar universiteti Nukus filialining majlislar zalida «Yoshlarning ta'lim-tarbiyasi -kelajagimiz uchun muhim vazifa» shiori ostida targ‘ibot tadbiri o‘tkazildi.
Ushbu tadbirda Qoraqalpog‘iston Respublikasi Jo‘qorg‘i Kengesi targ‘ibot guruhi a'zosi, Berdaq nomidagi Qoraqalpoq davlat universitetining professori Q.Ismaylov, Qoraqalpog‘iston Respublikasi Adliya vazirligining bosh maslahatchisi A.Uteuliev, Yoshlar bilan ishlash, ma'naviyat va ma'rifat bo‘limi boshlig‘i A.Seytkamalov, dekan muovini E.Seytmuratovlar so‘zga chiqib, so‘nggi yillarda mamlakatimizda yoshlarga oid davlat siyosatini yangi bosqichga olib chiqish bo‘yicha olib borilayotgan keng ko‘lamli ishlar, kelajagimiz bo‘lgan yosh avlodlarga zamon talablari asosida bilim berib, yoshlarning yangicha ilg‘or g‘oyalarni ilgari surishlari uchun qulay sharoitlar yaratish dolzarb vazifalar qatoriga kirishiga to‘xtaldi.
Tadbir davomida talaba-yoshlarga yangi tahrirdagi Bosh qomusimizning mazmun-mohiyati, undagi qonunlarning shaxs va jamiyat hayotida tutgan o‘rni bo‘yicha batafsil tushunchalar berildi.Talaba-yoshlar mutaxassislarga savollar bilan murojaat qilib, qoniqarli javoblarni olishdi. Targ‘ibot tadbiri davomida filial yoshlariga sifatli ta'lim olishga intilishlari va o‘z oldilariga ezgu maqsadlarni qo‘yishlari bo‘yicha tavsiyalar berib o‘tildi.
Axborot xizmati
