Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
«Veterinariya meditsinasi va oziq-ovqat xavfsizligi» kafedrasi tomonidan shou konsert dasturi tashkil etildi
Bugun «Veterinariya meditsinasi va oziq-ovqat xavfsizligi» kafedrasi tomonidan «Yangi yil nafasi har qadamimizda» atamasida yangi yil kechasi tashkil etildi. Tadbirni kafedraning v.v.b mudiri, katta o‘qituvchisi A.Seypullaev ochib berib, samimiy tilaklarini bildirib o‘tdi. Yangi yil munosabati bilan tashkil etilgan bayram kechasi filialning taniqli jamoasi «Qarekenshe onlayn» tomonidan tayyorlangan shou konsert dasturi bilan davom etdi.
Dastlab sahna markazida qorboba boshchiligidagi bir-biridan latofatli qizlar tomonidan zamonaviy raqs ijro etildi va hammaning yuzida tabassum yugirib, kayfiyatlar yanada a'lo darajaga ko‘tarildi. Shou davomida jonli ijrodagi ajoyib duetlar, mehmon havaskor qo‘shiqchining chiqishi, go‘zal qizlarning sho‘x raqslari chin ma'noda bayram atmosferasini yaratdi.
Ayniqsa, professor-o‘qituvchilar, xodimlar va talaba-yoshlar ishtirokidagi turli shartlardan iborat o‘yinlar juda qiziqarli tarzda olib borildi. O‘yinga qatnashgan barcha ishtirokchilarga kafedra tomonidan tayyorlangan munosib bayram sovg‘alari ulashildi. Gitara bilan ijro qilingan sho‘x kuy-qo‘shiqlarga barcha birdek jo‘r bo‘ldi va raqsga tushdi. Fayzli davrada bo‘lib o‘tgan tadbir yakunida bayramni tashkil etishda yaqindan yordam bergan «Qarekenshe onlayn» jamoasi a'zolariga fahriy yorliq topshirildi. Hamma birgalikda yangi yil qo‘shig‘ini aytib, ushbu yorqin lahzalarni rasmlarga va qalblariga muhirladilar.
Axborot xizmati
