SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Ziyo forum xalqaro fondi vakillari Nukuslik talaba-yoshlar bilan uchrashdi

Bugun Berdaq nomidagi Qoraqalpoq davlat universiteti madaniyat saroyida Ziyo forum ilm-fan va taʼlim-tarbiyani rivojlantirish xalqaro fondi tomonidan Samarqand davlat veterinariya meditsinasi, chorvachilik va biotexnologiyalar universiteti Nukus filialining hamda QDUning iqtidorli talaba-yoshlari ishtirokida o‘z loyihalarining taqdimoti o‘tkazildi. Tadbirni universitetning ilmiy ishlar va innovatsiyalar bo‘yicha prorektori I.Turdimambetov kirish so‘zi bilan ochib berdi.
Shundan so‘ng Ziyo forum ilm-fan va taʼlim-tarbiyani rivojlantirish xalqaro fondining direktor o‘rinbosari O.Xaitmuhammedov so‘z olib, ushbu fondning asosiy maqsadlari, tashkil etilganidan to bugungi kunga qadar olib borgan faoliyati, talaba-yoshlar qamrovi, fond tomonidan amalga oshirilayotgan loyihalar bo‘yicha atroflicha ma'lumotlarni berdi. Jumladan, talabalar uchun mo’ljallangan Avlod media veb-sayti va undagi rubrikalar, “Ziyolilar” O‘zbekiston talabalari almanax to‘plami bo‘yicha keng tushunchalar berildi.

Loyiha bo‘yicha batafsil ma'lumot berish uchun videolavhalar namoyish etildi. Tadbir savol-javob shaklida davom ettirilib, unda filial talaba-yoshlari faol ishtirok etishdi. Ular tomonidan bildirilgan muhim takliflar tashkilotchilar tomonidan qo‘llab-quvvatlanishi ta'kidlab o‘tildi. Eng yaxshi savol egalariga sovg‘alar taqdim etildi. Samimiy muloqot tarzida olib borilgan taqdimot davomida talabalar fond faoliyati va maqsadi bo‘yicha aniq tushunchalarga ega bo‘lishdi. Ushbu tadbir yangi loyiha va g‘oyalarni ilgari surish istagida bo‘lgan yoshlarga chin ma'noda motivasiya bag‘ishladi.

Tadbirni tashkilotchilar bilan hamkorlikda o‘tkazishda Axborot xizmati rahbari Z.Xojamuratova, «Veterinariya va zooinjeneriya» fakulteti dekani A.Kaniyazov hamda ilmiy-tadqiqotlar, innovatsiyalar va ilmiy pedagogik kadrlar tayyorlash bo‘limi boshlig‘i A.Mambetnazarovlar faollik ko‘rsatishdi. Filial talaba-yoshlari taqdimot davomida o‘zlari uchun foydali bo‘lgan ma'lumotlarga ega bo‘lishdi.