SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

“Talabalikka bag‘ishlov – 2023” tantanali tadbiri bo‘lib o‘tdi

Joriy yilning 18 oktyabr kuni Samarqand davlat veterinariya meditsinasi, chorvachilik va biotexnologiyalar universiteti Nukus filialida 2023-2024-o‘quv yilida o‘qishga qabul qilingan talaba-yoshlar uchun “Talabalikka bag‘ishlov – 2023” tantanali tadbiri bo‘lib o‘tdi. Tadbir boshida filial direktori Adilbay Esimbetov so‘z olib, joriy yilda talabalik baxtiga muyassar bo‘lgan yoshlarni samimiy qutlab, katta zafarlar tiladi.

O‘z nutqida filialda talaba-yoshlarning yetuk bilim olishlari uchun yaratilgan sharoitlar va ulardan unumli foydalanib kelayotgan talabalarining erishgan yutuqlari haqida gapirib o‘tdi. —Prezidentimiz siz yoshlarga juda katta ishonch bildirib, har tomonlama yetuk inson bo‘lib kamol topishingiz va yaxshi ta'lim olishingiz uchun barcha imkoniyat eshiklarini ochib bermoqda. Bizning talabalik davrimizda bunday sharoitlar yo‘q edi. Men sizlarga havas qilaman. Agar o‘zingizda ozgina intilish va harakat bo‘lsa, albatta katta marralarni zabt etasiz. Biz hamjihatlikda, filial rivoji uchun ezgu maqsadlar yo‘lida birlashib ijobiy natijalarga erisha olamiz —deydi filial direktori Adilbay Esimbetov. Shundan so‘ng Qoraqalpog‘iston Respublikasi Veterinariya va chorvachilikni rivojlantirish qo‘mitasi raisining o‘rinbosari Q.Pirnazarov hamda bayram kechasiga tashrif buyurgan ota-onalar so‘zga chiqib, yoshlarga ezgu tilaklarini bildirishdi. Shundan so‘ng kechaning eng kulminasion nuqtasi boshlandi.

Joriy o‘quv yilida eng yuqori ball bilan davlat granti asosida o‘qishga qabul qilingan talaba-yoshlarga talabalik guvohnomalari tantanali va ramziy kalit tantanali ravishda topshirildi. Shuningdek, 2-bosqich talabasi U.Amangeldievga xalqaro konferensiyadaishtirok etib, erishgan ko‘krak nishoni topshirildi. Shundan so‘ng tadbirning badiiy qismi boshlandi. Filial «Qarekenshe onlayn» jamoasi tomonidan talaba-yoshlari tomonidan tayyorlangan konsert dasturi namoyish etildi. Unda qobiliyatli yoshlar jonli qo‘shiqlarni maromiga yetkazib ijro etishdi, jozibali raqslar va yoshlarni ezgu maqsadlarga chorlovchi sahna ko‘rinishlari barchaga ko‘tarinki kayfiyat bag‘ishladi.