Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Jinoyatchilik va huquqbuzarlikning oldini olish bo‘yicha targ‘ibot tadbiri o‘tkazildi
Samarqand davlat veterinariya meditsinasi, chorvachilik va biotexnologiyalar universiteti Nukus filiali majlislar zalida Yoshlar orasida jinoyatchilik va huquqbuzarlikning oldini olish, diniy ekstremizm va terrorizm singari taraqqiyotimizga tahdid soluvchi illatlarga qarshi kurash olib borish bo‘yicha yoshlar ongida va qalbida tushunchalarni shakllantirish, ularni ezgu maqsadlar yo‘lida birlashtirishga chorlash, ma'naviy dunyosini boyitishlari uchun kitobxonlik madaniyatini va mutolaaga bo‘lgan qiziqishlarini oshirish maqsadida targ‘ibot tadbiri bo‘lib o‘tdi.
Ushbu tadbirda filial rahbariyati, Xalq deputatlari Nukus shahar Kengashi deputati Z.Seytniyazova, Respublika Ma'naviyat va ma'rifat markazi Nukus shahar bo‘limi boshlig‘i Q.Nuratdinov, Nukus shahar Muxammad Baxiy eshon jome masjidi imom-xatibi Sh.Xudaybergenov, Nukus shahar hokimiyatining bolalarni himoya qilish sektori boshlig‘i G.Ayimbetova hamda talaba-yoshlar qatnashdi.
Filial direktori Adilbay Esimbetov kirish so‘zida bugungi kunda yoshlar orasida mafkuraviy immunitetni yanada kuchaytirishva madaniyatini yuksaltirishga alohida e'tibor qaratish zarur ekaniligi, bu orqali esa ularni yuksak ahloqli va bilimli qilib tarbiyalashga erishish mumkinligi haqida to‘xtaldi.
Tadbir davomida so‘z olganlar, bugungi kunda jinoyatchilik va huquqbuzarlikning oldini olishga qaratilgan tadbirlar va oliy o‘quv yurtlari hamda mahallalarda yoshlarning huquqiy savodxonligini oshirish bo‘yicha olib borilayotgan ishlar haqida gapirdi.
Talaba-yoshlarga ko‘proq mutolaaga mehr qo‘yib, fikrlash doirasini kengaytirishlari, katta maqsadlarga bilimlarni chuqur o‘zlashtirish orqali erishishlari tavsiya etildi.Bilib, bilmay jinoyatning uzun yo‘llariga adashib kirib qolayotgan yoshlar haqida hayotiy misollar keltirildi. Targ‘ibot tadbiri savol-javob shaklida davom etib, talabalar o‘zlarini qiziqtirgan savollarga to‘laqonli javob olishdi. Bugungi kunning ahamiyatli mavzularini o‘zida jamlagan uchrashuv davomida yoshlar chuqur tushunchalarga ega bo‘lishdi. Shuningdek, Ma'naviyat va ma'rifat markazi Nukus shahar bo‘limi boshlig‘i Q.Nuratdinov tomonidan filial kutubxonasi uchun “Yangi Mo‘ynoq” kitob-albomi taqdim etildi.
Axborot xizmati 
