Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Ta'lim yo‘nalishida Germaniya bilan manfaatli hamkorlik
Ayni kunlarda Veterinariya va chorvachilikni rivojlantirish qo‘mitasi raisi B.Norqobilov rahbarligidagi delegatsiya Germaniyaga rasmiy tashrifni amalga oshirmoqda. Ushbu tashrifdan ko‘zlangan asosiy maqsad o‘zaro manfaatli hamkorlik aloqalarini mustahkamlash, yirik loyihalarni amalga oshirish va chorvachilik sohasida o‘zaro tajriba almashish orqali soha rivojida yangiliklarni amalga oshirishdan iborat.
Yurtimizdan tashrif buyurgan delegatsiya a'zolari tarkibida Samarqand davlat veterinariya meditsinasi, chorvachilik va biotexnologiyalar universiteti Nukus filiali direktori Adilbay Esimbetov ham bor. Tashrif doirasida Qishloq xo‘jaligi vaziri Mixaela Kaniber va delegatsiya vakillari bilan bo‘lib o‘tgan qizg‘in muloqotda do‘stona munosabatlarini mustahkamlash, hamkorlikda yangi istiqbolli loyihalarni va tashabbuslarni amalga oshirish, O‘zbekistonga soha bo‘yicha nemis texnologiyasini jalb etish va Germaniya tajribasini o‘rganish singari muhim masalalar muhokama qilindi.
Keyingi manzil Vaynstefan trizdorf amaliy fanlar universiteti bo‘ldi. U yerda mehmonlarni universitet prezidenti Professor Eric Veulliet kutib oldi. Olib borilgan muzokaralar natijasida mazkur universitet va yurtimizning bir qancha oliy o‘quv yurtlari o‘rtasida memorandumlar imzolandi. Jumladan, Samarqand davlat veterinariya meditsinasi, chorvachilik va biotexnologiyalar universiteti Nukus filiali va Vaynstefan trizdorf amaliy fanlar universiteti o‘rtasida o‘zaro hamkorlik aloqalarini o‘rnatish, talabalar almashinuvini yo‘lga qo‘yish, hamkorlikda foydali loyihalarni amalga oshirish, ta'lim sifatini yanada oshirish, ilmiy tadqiqot sohasida hamkorlik mexanizmini yo‘lga qo‘yish bo‘yicha memorandum imzolandi.
Filial direktori A.Esimbetov universitet rahbariga hurmat bajo keltirgan holda, qoraqalpoq milliy bosh kiyimini sovg‘a qildi. — Ushbu hamkorlik doirasida ta'lim yo‘nalishida yangi bir bosqichga qadam qo‘yildi deb o‘ylayman. Ayniqsa filialimiz uchun Germaniyaning yirik universitetlaridan biri bo‘lgan Vaynstefan trizdorf amaliy fanlar universiteti bilan hamkorlikni amalga oshirish keng imkoniyatlarni taqdim etadi. Talaba-yoshlarga o‘quv dasturining noyob kombinatsiyasini taklif etadigan mazkur oliy o‘quv yurti tajribasini o‘rganish albatta o‘zining samarali natijasini berishiga ishonamiz—deydi filial direktori A.Esimbetov. Shuningdek, tashrif dasturi doirasida tashkil etilayotgan ekskursiyalar, Frayzing bo‘ylab sayohat yurtimiz delegatsiya a'zolarida ijobiy taassurotlarni qoldirayotganligi alohida ta'kidlab o‘tdi.
Axborot xizmati 
