SAMARQAND DAVLAT VETERINARIYA MEDITSINASI, CHORVACHILIK VA BIOTEXNOLOGIYALAR UNIVERSITETI NUKUS FILIALI

Filial professor-o‘qituvchilariga ehtirom ko‘rsatildi

Har yili yurtimizda 1 oktyabr – O‘qituvchi va murabbiylar kuniga bag‘ishlangan bayram tantanalari ko‘tarinki ruhda bo‘lib o‘tadi. Bugun Samarqand davlat veterinariya medisinasi, chorvachilik va biotexnologiyalar universiteti Nukus filialida ushbu sana munosabati bilan tadbir bo‘lib o‘tdi. Ushbu tadbirda filial rahbarityai, professor-o‘qituvchilari va xodimlar ishtirok etishdi. Tadbirni filial direktori Adilbay Esimbetov ochib berdi.

U o‘z nutqida Respublikamizning barcha o‘qituvchi va murabbiylarini hamda filialning professor-o‘qituvchilarini samimiy muborakbod etib, o‘zining ezgu tilaklarini bildirdi. U o‘z nutqida so‘nggi yillarda o‘qituvchilarga ko‘rsatilayotgan yuksak ehtirom va ularning maqomini oshirish bo‘yicha olib borilayotgan ishlarga to‘xtaldi.

Shundan so‘ng filialning bir qator faol, samarali mehnat qilib, yosh-avlodni tarbiyalashda alohida fidokorona xizmat ko‘rsatib kelayotgan professor-o‘qituvchilari va xodimlarini taqdirlash marosimi bo‘lib o‘tdi. Ularga fahriy yorliq va esdalik sovg‘alari tantanali ravishda topshirildi. Ushbu marosimdan so‘ng talaba-yoshlar tomonidan tayyorlangan konsert dasturi bo‘lib o‘tdi. Bayram kechasi davomida o‘qituvchilarga ko‘tarinki kayfiyat ulashildi. Albatta, ustozlarga yuksak hurmat ko‘rsatish va ularni har doim e'zozlash bizning burchimiz sanaladi.