Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Filialga LAOGning xalqaro va milliy maslahatchilari tashrif buyurdi
Joriy yilning 25 may kuni Osiyo taraqqiyot banki ishtirokidagi «Chorvachilik sohasida qo‘shilgan qiymat zanjirini yaratishni rivojlantirish» loyihasi doirasida Loyihani Amalga Oshirish Guruhi (LAOG) tomonidan Samarqand davlat veterinariya meditsinasi, chorvachilik va biotexnologiyalar universiteti Nukus filialida veterinariya mutaxasislari uchun uzluksiz ta'lim dasturiga bag‘ishlangan o‘quv forumi tashkil etiladi. Shu munosabat bilan bugun filialga Loyihani Amalga Oshirish Guruhining veterinariya va chorvachilik bo‘yicha mutaxassisi, M.Eranov, loyihaning xalqaro maslahatchisi, Hindistonlik professor Mandava Subba Rao, loyihaning milliy maslahatchilari S.Abdalimov, J.Yulchiev hamda Z.Jabborovlar tashrif buyurdi. Mehmonlarni filial rahbariyati kutib oldi.
Ushbu tashrifdan ko‘zlangan maqsad – ertaga bo‘lib o‘tadigano‘quv forumining tashkiliy masalalarini muhokama qilish va filial faoliyati bilan tanishishdan iborat. Loyihani Amalga Oshirish Guruhi vakillari filial direktori Adilbay Esimbetov bilan muloqot olib bordi. Suhbat avvalida mehmonlarga filial faoliyati haqida umumiy ma'lumotlar berib o‘tildi. Olib borilgan muloqot davomida tashkil etilayotgan mazkur forumning ahamiyati va kutilayotgan natijalar atroflicha muhokama qilindi. Shuningdek, Hindistondan tashrif buyurgan professor Mandava Subba Rao tomonidan kelgusida o‘zaro hamkorlik aloqalarini o‘rnatish, Hindistondagi nufuzli universitetlari bilan hamkorlik shartnomalarini tuzishga yaqindan ko‘mak berib, bu borada amaliy yordam ko‘rsatish hamda filialda tahsil olayotgan talaba-yoshlarga master-klass o‘tib berish bo‘yicha takliflar bildirildi.
Osiyo taraqqiyot banki ishtirokidagi loyihasi doirasidagi mablag‘lar hisobidan Samarqand davlat veterinariya meditsinasi, chorvachilik va biotexnologiyalar universitetida veterinariya klinikasi tashkil etilishi rejalashtirilayotganligi ta'kidlab o‘tildi va imkoniyatdan kelib chiqib, filialda ham klinika tashkil qilish masalasi bo‘yicha bir qancha taklif va mulohozalar bildirib o‘tildi. Muloqot davomida sohaga oid muhim masalalar muhokama qilindi va bo‘lib o‘tajak tadbirni hamjihatlikda yuqori saviyada tashkil etishga kelishib olindi.
Axborot xizmati
