Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
«Havaskor ijrochilar» ko‘rik-tanlovi o‘tkazildi
Filialda tahsil olayotgan talaba-yoshlar o‘z qobiliyatlarini yuzaga chiqarishi uchun yaqindan ko‘maklashish, san'atga bo‘lgan qiziqishini yanada oshirish va iqtidorlarni kashf etish orqali ularni qo‘llab-quvvatlash maqsadida Yoshlar bilan ishlash, ma'naviyat va ma'rifat bo‘limi tomonidan «Havaskor ijrochilar» ko‘rik-tanlovi o‘tkazildi.
Tadbirni Yoshlar masalalari va ma'naviy-ma'rifiy ishlar bo‘yicha direktorning birinchi o‘rinbosari S.Ganiev kirish so‘zi bilan ochib, ushbu tanlov qobiliyatli yoshlarga o‘zlarini sinab ko‘rishi va iste'dodini namoyon qilishi uchun qulay imkon yaratib berishini ta'kidlab o‘tdi. Barcha ishtirokchilarga omad tilandi. Ishtirokchilarning sahnada o‘zini qanday tutishi, ovoz imkoniyatlari, ijro etish mahorati, iqtidori inobatga olindi va holis tarzda baholandi.
Tanlov davomida talabalar gitara va dutor chalish, qo‘shiq aytish bo‘yicha o‘z iste'dodlarini namoyish qilishdi. Tanlov ko‘tarinki kayfiyatda bo‘lib o‘tdi. Ishtirokchilar diltortar navolari bilan yig‘ilganlarga xush kayfiyat bag‘ishladi. Ayniqsa ishtirokchilar orasida 3-bosqich talabasi Farrux Rajapbaev ajoyib sho‘x qo‘shiqlari bilan barchaga quvnoq kayfiyat ulashdi. Zalda o‘tirganlar unga jo‘r bo‘lib, qo‘shiqlarni birgalikda hirgoya qilishdi. Shuningdek, 3-bosqich talabasi Shaxida va Farrux ijrosida duet kuylanishi barchaga birdek manzur bo‘ldi.
Barcha kuy-qo‘shiqlarning jonli tarzda ijro etilishi tanlovga yanada zavq bag‘ishladi. Hakamlar hay'atining yakuniy baholash natijalariga ko‘ra, 3-bosqich talabasi Shaxida Qarlibaeva birinchi o‘ringa loyiq deb topildi. 3-bosqich talabasi Farrux Rajapbaev ikkinchi o‘rin sohibi bo‘ldi. 1-bosqich talabasi Alisher Zinatdinov uchinshi o‘rinni egalladi. Tanlov g‘oliblari diplom va esdalik sovg‘alari bilan taqdirlandi. Faol ishtirok etganlarga tashakkurnoma topshirildi. Ishtiyoqi baland bo‘lgan talaba-yoshlarning iqtidorini rag‘batlantirib borish va qanday qobiliyatga ega ekanliklarini ko‘rsata olishi uchun zamin yaratib berish orqali yangi iste'dodlarni kashf etish maqsadida o‘tkazilgan «Havaskor ijrochilar» tanlovi qiziqarli va maroqli o‘tdi.
Axborot xizmati
