Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Professor-o‘qituvchilar va ishchi-xodimlarning o‘rtasida “Biz-sportchi oilamiz” musobaqasi o‘tkazildi
Har yili 15 may sanasi –Xalqaro oila kuni sifatida nishonlanib kelinmoqda. Samarqand davlat veterinariya meditsinasi, chorvachilik va biotexnologiyalar universiteti Nukus filialida ushbu sana munosabati bilan filial kasaba uyushmasi tomonidan “Biz-sportchi oilamiz” shiori ostida professor-o‘qituvchilar va ishchi-xodimlarning oilasi ishtirokida sport musobaqasi o‘tkazildi.
Tadbirni Yoshlar bilan ishlash, ma'naviyat va ma'rifat bo‘limi boshlig‘i A.Seytkamalov, Yoshlar bilan ishlash bo‘yicha dekan muovini E.Seytmuratov va Kasaba uyushmasi qo‘mitasi boshlig‘i G.Kazaxbaeva ochib berdi va barcha jamoaga zafarlar tiladi. Filialda faoliyat olib borayotgan o‘qituvchilar va xodimlarni ommaviy sportga jalb qilish, sog‘lom turmush tarzini keng targ‘ib qilgan holda, foydali mashg‘ulotlar bilan chiniqtirish orqali o‘zi va oilasini yanada sog‘lomlashtirish kabi ezgu maqsad ostida o‘tkazilgan ushbu musobaqada kafedra o‘qituvchilari va ishchi xodimlarning oilasidan tashkil topgan jami 6 jamoa qatnashdi. Ishtirokchilar turli qiziqarli sport mashg‘ulotlarini o‘z ichiga olgan 7 shart asosida bellashdilar. Iqtisodiyot va gumanitar fanlar kafedrasining jismoniy tarbiya o‘qituvchisi Q.Urazbaev musobaqaga hakamliq qilib bordi. Har bir jamoa chaqqonlik va epchillik bilan harakat qilib, g‘olib bo‘lishga astoyidil intilishdi.
Oila a'zolari hamjihatlikda bir jamoa bo‘lib shartlarni a'lo darajada bajarishdi. Qiziqarli va quvnoq tarzda bo‘lib o‘tgan musobaqa o‘z yakuniga yetgach, g‘oliblarni taqdirlash marosimi bo‘lib o‘tdi. Unda filial direktori Adilbay Esimbetov nutq so‘zlab, yig‘ilganlarni yaqinlashib kelayotgan Xalqaro oila kuni munosabati bilan tabrikladi va har bir oilaga ezgu tilaklarini bildirib o‘tdi. Musobaqada faol ishtirok etgan jamoalarga esa alohida tashshakur bildirib o‘tdi. Yakuniy qayd etilgan natijalarga ko‘ra, 3-o‘rin tyutor ishtirokidagi Xojambergenovlar oilasiga nasib qilgan bo‘lsa, 2-o‘rinni filial psixologining oila a'zolari Bekniyazovlar egallashdi. Hayvonlar anatomiyasi, fiziologiyasi va biokimyosi kafedrasi nomidan ishtirok etgan Primbetovlar oilasi 1-o‘rinni egallab, musobaqaning mutloq g‘olibiga aylanishdi. Ushbu g‘olib jamoalarga tashkilotchilar tomonidan tayyorlangan diplom va qimmatbaho sovg‘alar filial direktori tomonidan topshirildi. Qizg‘in bahslarga boy o‘tgan ushbu musobaqa ishtirokchilarga ko‘tarinki kayfiyat bag‘ishladi.
Axborot xizmati
