Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
El ardog‘idagi xonanda talabalar bilan uchrashdi
Bugun Samarqand davlat veterinariya meditsinasi, chorvachilik va biotexnologiyalar universiteti Nukus filialida O‘zbekiston va Qoraqalpog‘iston Respublikasi Xalq artisti, Turkmaniston Respublikasiga xizmat ko‘rsatgan artist, “Mehnat shuhrati” ordeni sohibasi Mirzagul Sapaeva bilan uchrashuv bo‘lib o‘tdi. Tadbirni Adilbay Esimbetov kirish so‘zi bilan ochib, Prezidentimiz tomonidan qoraqalpoq xalqining milliy madaniyati va san'atiga qaratilayotgan e'tibor va g‘amxo‘rligi natijasida ushbu sohada bugungi kunda ijobiy yangilanishlar yuz berayotganligi haqida to‘xtaldi. Ayniqsa,qoraqalpoq xalqining betakror san'ati bo‘yicha bildirgan qimmatli fikrlarini alohida e'tirof qilib o‘tdi.
Shundan so‘ng M.Sapaeva so‘zga chiqib, xalqimizning ma'naviy hayotida yuz berayotgan o‘zgarish va yangilanishlar, Muhtaram Prezidentimizning qo‘llab-quvvatlashi bilan sohani rivojlantirish yo‘nalishida amalga oshirilayotgan samarali ishlar haqida gapirib o‘tdi. Talaba-yoshlarga madaniyat va san'at sohasiga kirib kelish tarixi, bosib o‘tgan mashaqatli mehnat yo‘li, qo‘llab-quvvatlab to‘g‘ri yo‘l ko‘rsatgan ustozlari haqida gapirib berib, xalqimiz orasida mashhur bo‘lgan kuy-qo‘shiqlarning yaratilish tarixi, shu kunga qadar xorijiy davlatlarga amalga oshirilgan xizmat safari taassurotlari bilan o‘rtoqlashdi.
Shuningdek, kino ijodkorlari tomonidan suratga olingan filmlarda rol ijro qilgani va suratga olish jarayonidagi qiziqarli voqealarni yodga oldi. Ishtirokchilar el ardog‘idagi xonandaga ijodi va shaxsiy hayoti bo‘yicha o‘zlarini qiziqtirgan savollar bilan murojaat qilib, atroflicha javob olishdi. Samimiy suhbatdan so‘ng xonanda tomonidan barchaning qalbidan joy olgan va vaqtlar o‘tsa ham eskirmaydigan qo‘shiqlarning jonli tarzda ijro etilishi uchrashuv ishtirokchilariga zavq bag‘ishladi. Zalda o‘tirganlar M.Sapaevaga jo‘r bo‘lishdi. Ushbu uchrashuv talaba-yoshlarda iliq taassurot qoldirdi.
Axborot xizmati
