Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Filialda Navro‘z bayrami katta shodiyona sifatida nishonlandi
Barchamiz intiqlik bilan kutib, katta shodiyona ila nishonlaydigan sevimli ayyomimiz — Navro‘z bayrami xalqimizning turmush tarzi va urf-odatlari, an'analarini o‘zida mujassam etgan bayramdir. Beg‘ubor orzu-umidlarimiz va istaklarimizni, his-tuyg‘ularimizni tarannum etadigan ushbu ayyomni munosib tarzda nishonlash allaqachon an'anaga aylangan. Bugun Samarqand davlat veterinariya medisinasi, chorvachilik va biotexnologiyalar universiteti Nukus filialida «Har kunimiz Navro‘z bo‘lsin» shiori ostida katta bayram tantanasi tashkillashtirildi.
Filial direktori Adilbay Esimbetov kechani kirish so‘zi bilan ochib berib, yaqinlashib kelayotgan Navro‘z bayrami munosabati bilan yig‘ilganlarni samimiy tabriklab, ezgu tilaklarini bildirib o‘tdi. Shundan so‘ng bayram kechasiga mehmon sifatida tashrif buyurgan, O‘zbekiston va Qoraqalpog‘iston Respublikalari yozuvchilar uyushmasi a'zosi O‘zbekiston Respublikasiga mehnati singan madaniyat xodimi A.Utepbergenov so‘zga chiqib, Navro‘z ayyommi yoshlarni insoniylik, do‘stlik, boshqalarga yordam qo‘lini cho‘zish, mehir-muruvvatli bo‘lish kabi ezgu fazilatlarga ega bo‘lishga chorlaydigan bayram ekanligi haqida to‘xtalib, filial jamoasini bayram bilan qutlab o‘tdi.
«Har kunimiz Navro‘z bo‘lsin» shiori ostida o‘tkazilgan bayram tadbiri doirasida milliy taomlar ko‘rgazmasi tashkil etilib, talaba-yoshlar tomonidan dasturxon yozilib, xalqimizning eng sevimli milliy taomlar va noz-ne'matlar tortildi. Mehmonlar ko‘rgazmadagi taomlarni ko‘zdan kechirib, ularni tatib ko‘rib, baho berish imkoniga ega bo‘lishdi.
Bayram kechasi filialning iqtidorli yigit-qizlaridan tashkil topgan taniqli «Qarekenshe onlayn» jamoasi tomonidan tayyorlangan tantanali konsert dasturi bilan davom etdi. Jumladan, qoraqalpoq xalqining folklori, milliy urf-odat va an'analarini o‘zida mujassam etgan holda sahnalashtirilgan ko‘rinishlar, milliy raqs va kuy-qo‘shiqlarning ijro etilishi, xalqimizning milliy o‘yinlarini ko‘rsatib beradigan ko‘rinishlar, baxshi va jirovlarning ajoyib chiqishlari barchaga birdek manzur bo‘ldi.
Ayniqsa, qoraqalpoq folklori asosida sahnalashtirilgan yigit qizlar bazmi va to‘y ko‘rinishlari tomoshabinlar olqishiga sazovar bo‘ldi desak mubolag‘a bo‘lmaydi. Shuningdek, Navro‘z bayrami munosabati bilan turli milliy sport musobaqalari ham tashkil etildi. Milliy bayramimiz mana shu tarzda katta shodiyona bilan nishonlandi. Tadbir davomida filialda bayram shukuhi kezib yurdi. Barchaga birdek ko‘tarinki bayram kayfiyati ulashildi.
Axborot xizmati
