Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Qoraqalpog‘iston Respublikasi Jo‘qorg‘i Kengesining Raisi talaba-yoshlar bilan uchrashdi
Qoraqalpog‘iston Respublikasi Jo‘qorg‘i Kengesining Raisi Amanbay Orinbaev Respublikamiz oliy o‘quv yurtlarida tahsil olayotgan faol va iqtidorli talabalar bilan uchrashdi. Uchrashuv boshida Jo‘qorg‘i Kenges Raisi so‘nggi yillarda mamlakatimizda yoshlarga berilayotgan alohida e'tibor va yaratilayotgan bemisl imkoniyatlar,Muhtaram Prezidentimiz tomonidan yoshlarga bildirilgan yuksak ishonchga munosib bo‘lish haqida gapirdi.
Tadbirda Qoraqalpog‘iston Respublikasi Jo‘qorg‘i Kengesi Raisining o‘rinbosari R.Saparbaev, oliy ta'lim muassasalari rahbar xodimlari hamda faol talaba-yoshlar ishtirok etishdi. Uchrashuv davomida prezident va nomdor davlat stipendiyalari sohiblariga Jo‘qorg‘i Kenges Raisi Amanbay Orinbaev tomonidan O‘zbekiston Respublikasi talabalar uchun ta'sis etilgan davlat stipendiyasi tanlovining sohibi guvohnomalari hamda “Universiada-2022” sport musobaqalarining g‘oliblariga sovg‘alar tantanali ravishda topshirildi.
Aytib o‘tish joizki, ushbu uchrashuvga Samarqand davlat veterinariya meditsinasi, chorvachilik va biotexnologiyalar universiteti Nukus filialining direktori A.Esimbetov, Yoshlar bilan ishlash, ma'naviyat va ma'rifat bo‘limi boshlig‘i A.Seytkamalov, Islom Karimov nomidagi davlat stipendiyasi sohibi S.Ataniyazov, To‘lapbergan Qaipbergenov nomidagi davlat stipendiyasi sohibasi B.Allamuratova hamda Ibroyim Yusupov nomidagi davlat stipendiyasi sohibasi U.Kosherovalar qatnashdi. Filialimizning 3 nafar nomdor stipendiyalar sohiblariga Jo‘qorg‘i Kenges Raisi Amanbay Orinbaev guvohnomalarini topshirdi.
— Bu lahzalar men uchun quvonch va hayojonga boy tarzda kechdi. Qalbimda tuygan faxr va g‘ururimni so‘z bilan ifodalab bera olmayman. Biz talaba-yoshlarga ko‘rsatilayotgan bunday ehtirom kelgusida yanada faol bo‘lishimiz va bizga bildirilgan ishonchni oqlash uchun yaxshi motivasiya bag‘ishlaydi. Ushbu damlar iliq xotira bo‘lib qalbimga muhirlanib qolsa kerak— deydiTo‘lapbergan Qaipbergenov nomidagi davlat stipendiyasi sohibasi B.Allamuratova. Ma'lumot uchun, 2022-2023 o‘quv yili uchun Respublika oliy ta'lim muassasalarining bakalavriat bosqichida tahsil olayotgan 566 nafar talaba prezident va nomdor davlat stipendiyalari egalariga aylangan bo‘lsa, shundan, 84 nafari Qoraqalpog‘iston Respublikasi OTMning talabalari bo‘lib hisoblandi. Jo‘qorg‘i Kengesining Raisi va talaba-yoshlar uchrashuvi ko‘tarinki kayfiyatda bo‘lib o‘tdi. Yoshlar o‘zlarining fikr-mulohazalari va takliflarini bildirishdi.
Axborot xizmati
