Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
«Jaholatga qarshi ma'rifat» shiori ostida targ‘ibot tadbiri o‘tkazildi
Samarqand davlat veterinariya meditsinasi, chorvachilik va biotexnologiyalar universiteti Nukus filialida tahsil olayotgan talaba-yoshlar orasida ma'naviy-ma'rifiy targ‘ibot ishlarini muntazam ravishda olib borish va tizimli tashkil etish hamda shu orqali ularning ma'naviy dunyoqarashini yanada yuksaltirib borishga alohida e'tibor qaratib kelinmoqda. Jumladan, qator tadbir va uchrashuvlar o‘tkazilmoqda.
Navbatdagi mana shunday targ‘ibot tadbirlaridan biri «Jaholatga qarshi ma'rifat» shiori ostida bo‘lib o‘tdi. Ushbu tadbirda filial rahbariyati, Din ishlari bo‘yicha Qoraqalpog‘iston Respublikasi xududiy boshqarmasi bosh mutaxassislari N.Jamalov va K.Nezamatovlar, Qoraqalpog‘iston Respublikasi Xalq yozuvchisi, filologiya fanlari nomzodi A.Abdiev, Respublika ma'naviyat va ma'rifat markazi Nukus shahri bo‘limi xodimi I.Ametov, O‘zbekiston “VETERAN” jangchi-faxriy va nogironlari Qoraqalpog‘iston Respublikasi birlashmasining a'zosi O.Toreniyazov hamda talaba-yoshlar qatnashdi.
Filial direktori Adilbay Esimbetov tadbir boshida so‘z olib, mamlakatimiz kelajagini ta'minlab beruvchi asosiy kuch hisoblangan yoshlar uchun barqaror ijtimoiy-ma'naviy muhit yaratib berish, ayniqsa talaba-yoshlar ongida ma'naviy bo‘shliq yuzaga kelmasligi va ularni ezgu tashabbuslarga o‘z hissasini qo‘shishga yo‘naltirish borasida samarali ishlarni muntazam ravishda amalga oshirib borish zarur ekanligini alohida ta'kidlab o‘tdi.
Targ‘ibot tadbiri davomida tashrif buyurgan mehmonlar o‘sib kelayotgan yosh avlodning ongini har xil keraksiz yot g‘oyalar, jaholat va salbiy fikrlar o‘rab-chirmab olmasligi uchun ularni sifatli ta'limga jalb etib, ma'naviyatini yanada yuksaltirib borishga ko‘proq e'tibor qaratish bo‘yicha ma'ruza qilishdi. Shuningdek, bugungi kunda jahon axborot makonida yoshlarni to‘g‘ri manbalar asosida xabarlarni kuzatib borish va ushbu yangiliklarni xolisona tahlil qilishga o‘rgatish, bir so‘z bilan aytganda ularning Media va axborot savodxonligi oshirib borish muhim masalalardan biri ekanligi aytildi. Soha mutaxassislari tomonidan keng tushuncha va tavsiyalar berildi.
Axborot xizmati
