Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Китобхон талабаларни бирлаштирган Заковат интеллектуал ўйинининг 1 турига старт берилди
Бугун, яъни 9 ноябрь куни «Бирга мутолаа қиламиз» шиори остида Заковат интеллектуал ўйини жуда позитив кайфиятда бўлиб ўтди. Тадбирни филиал директори Адилбай Есимбетов очиб бериб, Давлатимиз раҳбари томонидан ёшлар орасида китобхонлик маданиятини янада юксалтиришга қаратилаётган алоҳида эътибор ҳақида тўхталиб, барча жамоаларга омад ва зафарлар тилади. Шунингдек, Ахборот хизмати раҳбари З.Хожамуратова, Ветеринария ва зооинжерения факультети декани А.Каниязов, декан муовини Е.Сейтмуратов, Ахборот-ресурс маркази бўлими бошлиғи Ж.Халмуратовалар ҳам сўзга чиқиб филиалда китобхон талабалар қамровини янада кенгайтириш, талаба-ёшларнинг китоб ўқишга бўлган қизиқишларини янада орттириш мақсадида ташкил этилаётган ушбу Заковат интеллектуал ўйинининг аҳамиятига алоҳида тўхталди ва барчага омад тилади. З.Хожамуратова олиб борган ўйин жуда ўзгача тарзда, қувноқ кайфиятда бўлиб ўтди. Ўйин аввалида иштирокчиларга қайноқ қаҳвалар ва беғубор совғалар тарқатилиб, позитив кайфият улашилди. 1 турга мана шундай кўтаринки руҳда старт берилди. Ўткир Ҳошимовнинг «Дунёнинг ишлари» китоби асосида тузилган бир-биридан қизиқарли мантиқий саволларга билимдон китобхонларимиз томонидан яхши жавоблар бериб борилди. Иштирокчиларни фақат ўйин билан зериктириб қўймаслик мақсадида қизиқарли ўйинлар ўтказилиб, ширинликлар туҳфа қилинди. Танланган китоб мавзусига мос равишда безатилган заковат қутичаси, ҳар бир жараён учун фон мусиқалари, улашилган совға ва ширинликлар, ҳаёжонга солувчи саволлар — буларнинг ҳаммаси иштирокчиларга ўзгача кайфият бағишлаб, ажойиб атмосферани яратиб бера олди. Барча жамоалар ўйин кутилганидан ҳам ажойиб тарзда бўлиб ўтганлигини алоҳида эътироф этишиб, ташкилотчиларга миннатдорчилик билдирди. 1 тур давомида ажойиб таассуротларга эга бўлган китобхонлар учун 2 турга Агата Кристининг «Шарқий экспрессдаги қотиллик» детектив романи танлаб олинди. Демак, Бирга мутолаа қиламиз» шиори остида Заковат интеллектуал ўйини 5 тур давом этади, финалда ғолиб бўлган жамолар қимматбаҳо совғалар билан тақдирланади. Бугунги 1 тур позитив кайфиятда бўлиб ўтди ва биз сизга ваъда қилган муҳитни яратиб бера олдик деб бемалол айта оламиз.
Филиал матбуот хизмати
