"Жаҳолатга қарши маърифат" шиори остида учрашув бўлиб ўтди

Жорий йил 31 октябрь куни Самарқанд ветеринария медицинаси, чорвачилик ва биотехнологиялар университети Нукус филиалининг мажлислар залида «Жаҳолатга қарши маърифат» шиори остида учрашув ташкил этилди. Тадбирда Нукус шаҳридаги «Имом эшон Муҳаммад» жоме масжиди имоми ўринбосари Қ.Турдымуратов, Қорақалпоғистон Республикаси ИИВ Терроризмга қарши кураш бўлими ходими, подполковник Қ.Каниязова, филиал директори А.Есимбетов, Ёшлар масалалари ва маънавий-маърифий ишлар бўйича директорнинг биринчи ўринбосари С.Ганиев, директор маслаҳатчиси З.Сапарбаев, Ёшлар билан ишлаш, маънавият ва маърифат бўлими бошлиғи А.Сейткамалов, Ветеринария ва зооинженерия факультети декани А.Каниязов,  Ёшлар билан ишлаш бўйича декан ўринбосари Е.Сейтмуратов,  профилактика инспектори, катта лейтенант Қ.Қайпназаров ҳамда талаба-ёшлар  иштирок этишди. 

Тадбир бошида А.Есимбетов сўз олиб, ташриф буюрган меҳмонларни таништирди ва ўз нутқида маънавият ва маърифат инсон камолоти ва баркамоллигини шунингдек, жамият тараққиётини белгилаб берувчи муҳим омил бўлиб ҳисобланиши ҳақида тўхталди. Шундан сўнг Қ.Турдымуратов сўзга чиқиб, талаба-ёшларни миллий ватанпарварлик руҳида тарбиялаш ва уларни маънавий етук инсон сифатида шакллантириш ва экстремизм ғояларига берилишдан асраш зарур эканлигини алоҳида таъкидлаб, Имом Бухорийнинг «Илмдан бошқа нажот йўқ, бўлмайди ҳам» деган ажойиб ибораларини келтириб ўтди. Қ.Каниязова ҳам ўз маърузасида талаба-ёшларни кўпроқ илм олишга, маънан етук бир шахс бўлишга интилишга ва қабих ниятли инсонлар алдовига учиб қолмасликка чақирди. Тадбир давомида иштирокчиларга мавзуга оид кенг тушунчалар ва батафсил маълумотлар бериб ўтилди. Талаба-ёшлар ҳам минбарга чиқиб, ўзларининг чуқур фикр-мулоҳазаларини билдиришди. Муҳими, мутахассислар томонидан керакли маълумотлар ва тегишли тавсиялар берилди.