Giyohvand moddalarning salbiy oqibati va OITS kasalligining oldini olish bo‘yicha targ‘ibot tadbiri
09 янв 2025
SAMARQAND DAVLAT VETERINARIYA
MEDITSINASI, CHORVACHILIK VA
BIOTEXNOLOGIYALAR UNIVERSITETI
NUKUS FILIALI
-
Telefon
+998 61 224 71 09
-
E-mail
samvminf@edu.uz
Спортнинг мини футбол тури бўйича «Директор кубоги»ни қайси жамоа қўлга киритди?
Самарқанд давлат ветеринария медицинаси, чорвачилик ва биотехнологиялар университети Нукус филиалида жорий йилнинг 3-6-октябрь кунлари оралиғида спортнинг мини футбол тури бўйича “Директор кубоги” мусобақаси ўтказилди. Филиал талаба-ёшлари орасида соғлом турмуш тарзини кенг тарғиб қилиш ва спортнинг ушбу турига қизиқишини янада орттириш шу орқали улар орасида спорт соҳасини ривожлантиришга мос шарт-шароитларни яратиш мақсадида ташкил этилган мусобақа жами 400 дан ортиқ иштирокчини қамраб олди. Ғолибларни тантанали тақдирлаш маросимида филиал директори Адилбай Есимбетов сўзга чиқиб, ушбу мусобақани ўтказишнинг катта аҳамиятига алоҳида тўхталиб, барча жонбозлик кўрсатган иштирокчиларга ўз миннатдорчилигини изҳор қилиб ўтди. Жуда қизиқарли ва курашларга бой тарзда кечган мусобақа давомида жисмоний тарбия ўқитувчиси Қ.Уразбаев ҳакамлик қилди. Жами 36 жамоа иштирокидаги ўйиннинг якуний натижаларига кўра, фаҳрли биринчи ўринни Ветеринария медицинаси 3-босқич 303-гуруҳ талабаларидан таркиб топган жамоа эгаллади ва директор кубогининг ғолиби деб топилди. Зооинженерия (турлар бўйича) 2-босқич 212-гуруҳ талабаларининг жамоаси 2-ўринни, Зооинженерия (йилқичилик ва туячилик) йўналиши 4-босқич 403-гуруҳ талабалари эса 3-ўринни эгаллади. Тақдирлаш маросими доирасида барча ғолиб жамоалар филиал директори томонидан диплом ва эсдалик совғалари билан тақдирланди. 1-ўринни эгаллаган жамоага директор кубоги тантанали равишда топширилди. Шу каби мусобақаларни доимий равишда ташкил этиб бориш талаба-ёшларнинг спорт соҳасига бўлган қизиқиш ва интилишларини янада оширишда ҳамда соғлом турмуш муҳитини шакллантиришда катта роль ўйнайди.
Филиал матбуот хизмати 
