Талабалар «Фермерлар мактаби»да 12 соатлик ўқув курсида иштирок этишди

Самарқанд давлат ветеринария медицинаси, чорвачилик ва биотехнологиялар университети Нукус филиалининг «Иқтисодиёт ва гуманитар» фанлар кафедраси бухгалтерия ҳисоби ва аудит (тармоқлар бўйича) йўналишининг 1-босқич 109-гуруҳ талабалари кафедра мудири П.Хожалепесов бошчилигида «Фермерлар мактаби»да 12 соатлик ўқув курсида иштирок этишди. Агробанк ташаббуси билан ташкиллаштирилган ушбу ўқув курси давомида талаба-ёшлар тингловчи сифатида қатнашиб, қишлоқ хўжалигида тадбиркорлик фаолиятини қандай йўлга қўйиш, ушбу йўналишда бизнесни режалаштириш ва замонавий усулда ташкил этиш бўйича билимларга эга бўлишди. Тингловчиларга соҳа мутахассислари томонидан зарур ва керакли маълумотлар тақдим этилди. 

Ёш бўлажак мутахассисларга билим бериб, уларнинг малакаларини ошириб боришда шу каби ўқув курслари яхшигина намуна бўлади. Филиалнинг 1-босқич талаба-ёшлари тингловчи сифатида иштирок этиб, ўзларига фойдали маълумотларни олди ва кўникмаларга эга бўлишди. Шу билан бирга ташкилотчилар томонидан 12 соатлик ўқув курсида иштирок этишгани учун сертификат билан тақдирланишди. Филиал талабалари бундан олдин ҳам «Фермерлар мактаби»нинг ўқув курсларида иштирок этиб, керакли маълумотларга эга бўлишган эди.