Психолог 1-босқич талабалари билан мулоқот олиб борди

Самарқанд давлат ветеринария медицинаси, чорвачилик ва биотехнологиялар университети Нукус филиалининг психологи М.Алламбергенова 1-босқичга қадам қўйган талаба-ёшлар билан мулоқот қилиб, уларга ОТМда психологларнинг ижтимоий-психологик хизмати ва психологик хизмат фаолияти хусусида маълумотлар бермоқда. Ушбу тадбирларда Хотин-қизлар масалалари бўйича директор маслаҳатчиси Г.Ешмуратова ҳамда гуруҳ тьюторлари ҳам фаол иштирок этишди. 1-босқич талабалари билан ўтказилган ўзаро мулоқот давомида уларга дастлаб филиалнинг ички тартиб ва одоб-ахлоқ қоидалари тушунтириб ўтилди. Олий таълим муассасаларида психолог хизмати ташкил этилишидан кўзланган асосий мақсад нимадан иборат эканлиги ва бугунги кунда эришилаётган натижалари борасида сўз юритилди. Филиал психологи талаба-ёшлар билан доимий ҳамкорликда иш олиб бориши, ҳар бир талабанинг индивидуал психологик хусусиятини ўрганиб, мунтазам равишда руҳий ҳолати билан яқиндан танишиб бориши асосий вазифаларидан бири эканлиги таъкидланди. Талабаларда руҳий муаммолар юзага келганида уларга ёрдам кўрсатиш, тушкунлик домидан тортиб олиш бевосита психолог хизматига кириши мисоллар билан тушунтириб ўтилди. Ҳар қандай муаммо биргаликда бартараф қилинса самарали натижа бериши аниқ. Айнан шунинг учун филиалимизда психолог билан талабалар ҳамкорлиги яхши йўлга қўйилган. Ўзаро дўстона суҳбат, самимий мулоқот ҳам инсонни ҳар қандай тушкун кайфиятдан олиб чиқиши мумкин. 1-босқич талабаларининг барча гуруҳлари билан шу тақлидта мулоқот олиб борилиб, психолог хизмати ва фаолияти бўйича батафсил маълумотлар берилди. Шунингдек, М.Алламуратова талаба-ёшларга ўзини яқиндан таништириб, эндиликда ҳамкорликда иш олиб боришлари керак эканлигини таъкидлаб ўтди. Талаба-ёшлар мавзу доирасида кенг тушунчаларга эга бўлишди.