Филиалда янги ўқув йилига старт берилди

Бугун барча олий таълим муассасаларида янги 2022-2023 ўқув йили бошланди. Жумладан, Самарқанд давлат ветеринария медицинаси, чорвачилик ва биотехнологиялар университети Нукус филиалида ҳам янги ўқув йилига старт берилди.  Талабаликка илк қадам қўйган ёшларнинг қувончи ва ҳаёжони кўзларида акс этмоқда. Талабалар учун  “Мустақиллик дарси” ташкил этилди. 

Филиал директори Адилбай Есимбетов талабаликка илк қадам қўйган ёшларни самимий табриклаб, уларга "Янги Ўзбекистонда эл азиз, инсон азиз!" шиори остида "Мустақиллик дарси"ни ўтди. Шунингдек, Қорақалпоғистон Республикаси Ветеринария ва чорвачиликни ривожлантириш қўмитасининг раиси М.Қайпанов ҳамда Қорақалпоғистон Республикаси Вазирлар Кенгаши Раисининг ўринбосари Инвестиция ва ташқи савдо вазири Б.Хабибуллаев филиалга ташриф буюриб, талаба-ёшларга “Мустақиллик дарси”ни ўтишди. 

Улар ўз нутқларида мамлакатимизда сўнгги йилларда амалга оширилган кенг қамровли ислоҳотлар ҳамда олий таълим ва ветеринария ва чорвачилик соҳасидаги ютуқларга тўхталиб ўтишди. Юртимиздаги тинч-осуда ҳаётни ва мустақиллик берган неъматларни асраб-авайлашимиз зарур эканлиги таъкидланди.  Маълумот учун, филиалда янги ўқув йили муносабати билан тантанали байрам тадбири эртага, 6 сентябрь куни ўтказилиши режалаштирилмоқда. Барча талаба-ёшларни янги ўқув йили билан муборакбод этамиз!