Расман тест синовлари 8-августдан бошланади
Кўпчилик абитуриентлар ва уларнинг ота-оналарини тест синовлари қачон бошланиши ҳақидаги саволлар қизиқтираётган эди.
2022/2023-ўқув йили учун олий таълим муассасаларига кириш тест синовлари 2022-йил 8-август кунидан бошланади ҳамда стадион ва хиёбонларда ўтказилади.
Бу ҳақда Давлат тест марказининг расмий телеграм канали орқали эълон қилинди.
Тест синовлари кунига икки сменада ўтказилиб:
1-сменада 07:00 дан 10:00 га қадар;
2-сменада 19:00 дан 22:00 га қадар бўлиб ўтади.
Тест синовлари ҳудудлардаги абитуриентлар сони ва тест синовлари ўтказиладиган майдонлар сиғимидан келиб чиққан ҳолда 10 кундан 13 кунгача давом этади ва 20-август куни якунланади.
Тест синовида иштирок этиш учун “Абитуриент рухсатномаси”ни бериш 4-август кунидан бошланади. Маълумот учун, ўтган йили яъни, 2021-2022-ўқув йилида олий таълим муассасаларига кириш тест синовлари 2021 йил 5 августдан бошланган эди.
Филиал матбуот хизматискачать dle 12.1
Telefon
E-mail
